Ambasada e Kosovës sonte ka shënuar 20 vjetorin e çlirimit të Kosovës, ndërsa u zbulua edhe pllaka e miqësisë dhe mirënjohës së popullit të Kosovës dhe Qeverisë së Kosovës për popullin britanikë dhe ushtrinë e saj, për ndihem e madhe që kanë dhënë për çlirimin e Kosovës.
“Kjo pllakë është nga populli dhe Qeveria e Republikës së Kosovës, si një simbol i mirënjohjes së tyre të përjetshme për Forcat e Armatosura të Madhërisë së Saj, për kontributin e tyre në paqen në Kosovë”, shkruhet në pllakë.
Në organizim veç personaliteteve politike shqiptare nga Kosova,Shqipëria dhe atyre britanike, morën pjesë edhe një numë ri madh i mërgimtarëve shqiptarë.
Njeri nga mysafirët e veçantë të kësaj mbrëmje ishte edhe ish-ministri i Mbrojtjes së Britanisë se Madhe dhe ish-Sekretari i Përgjithshëm i NATO-s, Lordi George Robertson, i cili foli për momentet e zhvilluar 20 vite më parë në Kosovë, në ndërhyrjen e forcave të NATO-s ndaj caqeve ushtarake dhe policore serbe, që në atë kohë njihej si e ashtuquajtura Jugosllavi.
Në këtë fushatë ajrore bombarduese të NATO-s një rol të rëndësishme kishte Britania e Madhe dhe vet Roberteson, i cili tha se ndërhyrja në Kosovë ndodhi pas mësimit që kishin marrë në Bosnje dhe nuk kanë lejuar që të përsëritet e njëjta situatë. Ai iu gëzua lirisë së Kosovës, ndërsa pohoi se Kosova duhet të integrohet në mekanizmat dhe institucionet euro-atlantike.
Ambasadori i Shqipërisë në Londër, Qirjako Qirko pohoi se Kosova si shtet i pavarur ka bërë në 20 vite hapa të mëdha në ecjen përpara, ku pohoi se gjatë viteve të fundit ka kontakte dhe bashkëpunim të vazhdueshëm me diplomatët e Kosovës, për të cilët tha se tregojnë një imazh të mirë të Kosovës, duke punuar për një Kosovë të integruar në institucionet evropiane.
Ushtruesja e detyrës së ambasadores së Kosovës në Londër, Heroina Telaku tha se NATO-ja së bashku me UÇK-në e bënë të mundur 20 vite më parë çlirimin e Kosovës. Ajo po ashtu pohoi se në këto 20 vite, Kosova ka bërë hapa të mëdhenj përpara, duke arritur të ndërtohet shteti nga një shkatërrim i plotë që ishte pas përfundimit të luftës dhe këto të arritura, ajo tha se nuk ishin të lehta. Njëra nga arritjet më të mëdha, ajo pohoi se ishte shpallja e pavarësisë së Kosovës.
Drejtori i Shkollës shqipe “Shkolla Kosova” në Londër, Talat Pllana theksoi se është kënaqësi të evokohen kujtimet për veprimtaritë që janë zhvilluar për çlirimin e Kosovës. Ai tregoi për organizimin e demonstratës së parë nga studentët në vitin 1968, ku për herë të parë u kërkua Republika e Kosovës, të cilën e quajti gurthemel të shtetit të Kosovës./Alb Uk Tv/
