Më Mal të Zi, në pikun e sezonit turistik ndodhen rreth 15.000 turistë, që është 92 për qind më pak në raport me periudhën e njëjtë të vitit të kaluar, sipas të dhënave të Organizatës malazeze për Turizëm, raportojnë mediat në këtë shtet.
Pronarët e hoteleve dhe apartamenteve turistike në Mal të Zi kanë bërë të ditur se i kanë përgjysmuar çmimet, në mënyrë që sadopak të nxjerrin fitime, sipas mediave.
Më Ulqin, sipas gazetës malazeze “Vijesti”, gastronomët thonë se nuk i kanë as pesë për qind të qarkullimit të vitit të kaluar. Pjesa e vjetër e qytetit moti nuk ka qenë aq e zbrazët.
Kalaja e Ulqinit, përndryshe pjesa më e vizituar gjatë muajve të verës, këtë vit është tërësisht e boshatisur. Rrugëve nuk ka njerëz, restorantet janë të zbrazëta e muzeu pa vizitorë, shkruan “Vijesti”.
