Show - Biz
Në rrjetet sociale po flitet me të madhe për të, për çfarë po akuzohet Diddy dhe sa janë të vërteta teoritë ndaj reperit?
Sean Combs, i njohur gjithashtu si P Diddy dhe Puff Daddy – është bërë kryetemë në mediet globale dhe po ashtu vendore, pas arrestimit të tij.
Reperit i është refuzuar lirimi me kusht, pasi u deklarua i pafajshëm për tre akuza për krime, shkruan Sky News.
Akuzat vijnë pasi reperi dhe njëherësh manjati i muzikës u arrestua në një hotel në New York të hënën më 16 shtator.
Combs, tri herë fitues i çmimeve Grammy dhe gjithashtu një nga producentët më me ndikim të hip-hop-it në tre dekadat e fundit, është përballur me një valë padish nga gratë që e kanë akuzuar atë për sulm seksual.
Dhe tani ai përballet me një gjyq penal pasi i është mohuar lirimi me kusht prej 50 milionë dollarëve.
Arrestimi i tij ka bërë bujë të madhe në rrjetet sociale, në mesin e përdoruesve të shumtë të cilët po flasin rreth kësaj teme.
Por, me çfarë akuza saktësisht përballet Diddy?
Akuzat kanë të bëjnë me trafikim seksual, posedim të drogës dhe shkeljet për përdorim me armë zjarri.
Specifikisht, janë tre akuza të përshkruara nga Distrikti Jugor i New Yorkut (SDNY) në një aktakuzë ligjore:
Krim i organizuar
Trafikimi seksual me forcë, mashtrim ose detyrim
Transportim i njerëzve për t’i angazhuar në prostitucion
Krim i organizuar mbart një dënim maksimal me burgim të përjetshëm; trafikimi seksual me forcë, mashtrim ose detyrim ka një dënim maksimal me burgim të përjetshëm dhe një dënim minimal të detyrueshëm prej 15 vjetësh burgim; dhe transporti për qëllime prostitucioni dënohet maksimalisht me 10 vjet.
Sipas aktakuzës, Combs thuhet se “abuzoi, kërcënoi dhe detyroi gratë dhe të tjerët rreth tij për të përmbushur dëshirat e tij seksuale, për të mbrojtur reputacionin e tij dhe për të fshehur sjelljen e tij” të paktën nga viti 2008.
Aty pretendohet se 54-vjeçari përdori punonjësit e tij, burimet dhe ndikimin në industrinë e muzikës për të krijuar një “ndërmarrje kriminale, anëtarët dhe bashkëpunëtorët e së cilës u angazhuan dhe u përpoqën të përfshiheshin, midis krimeve të tjera, në trafikun seksual, punën e detyruar, rrëmbimin, zjarrvënie, ryshfet dhe pengim i drejtësisë”.
Diddy dyshohet se ka shtyrë viktimat femra dhe punonjësit e seksit meshkuj në shfaqje seksuale të nxituara nga droga, të quajtura “Freak Offs”, sipas dokumentit.
Këto shfaqje Freak Offs, të përmendura në dokument rreth 16 herë, u përshkruan si “shfaqje të seksit të drejtuara nga Combs, gjatë të cilave i njëjti kishte masturbuar dhe i kishte incizuar në mënyrë elektronike”.
Prokurorët pretendojnë se viktimave u janë dhënë substanca për t’i kontrolluar gjatë ngjarjeve disaditore për t’i mbajtur të “bindur dhe nën kontroll” dhe Diddy i ka nënshtruar ndaj “abuzimit fizik, emocional dhe verbal” për t’i detyruar ata të veprojnë sipas tij.
Në aktakuzë, gjithashtu thuhet se Combs dhe viktimat e tij ishin aq të rraskapitur pas seancave, të cilat ndonjëherë zgjatën me ditë të tëra, saqë ata “zakonisht duhej të merrnin lëngje IV për t’u rikuperuar nga sforcimi fizik dhe përdorimi i drogës”.
Rreth 1,000 shishe vaj për fëmijë dhe lubrifikant u sekuestruan nga shtëpitë e reperit në Miami dhe Los Angeles kur u bastisën në muajin mars, shtoi aktakuza.
Përveç këtyre akuzave, pretendohet se Combs dhe anëtarët e biznesit të tij “u përfshinë në akte dhune, kërcënime dhune, kërcënime për dëm financiar dhe reputacioni dhe abuzim verbal” duke përfshirë rrëmbimin dhe zjarrvënien kur dëshmitarët e abuzimit të tij të dyshuar kërcënuan autoritetin ose reputacionin e tij.
Çfarë kanë thënë Combs dhe avokatët e tij?
Combs është deklaruar i pafajshëm për të gjitha akuzat.
Pas arrestimit të tij, avokati i tij Marc Agnifilo tha se ai ishte “i zhgënjyer” me vendimin dhe ndaj tij është bërë një ndjekje e padrejtë nga Zyra e Prokurorit të SHBA-s”.
Show - Biz
Qipro merr presidencën e BE-së, 2026-ta vit vendimtar për Shqipërinë
Nën sloganin “për një Europë që qëndron më e fortë dhe më e guximshme në një botë të trazuar dhe në ndryshim”, Qipro ka marrë zyrtarisht Presidencën e Bashkimit Europian.
Prioritet i këtij gjashtëmujori mbetet siguria në kontinentin e vjetër dhe zgjerimi, si një domosdoshmëri gjeostrategjike dhe një investim për të ardhmen e Europës.
Ky gjashtëmujor mbetet i rëndësishëm për Shqipërinë, e cila hyn në këtë vit të ri me të gjithë grupkapitujt e negociatave të hapura, me objektivin për të nisur sa më parë mbylljen e tyre.
Në mesazhin e urimit për homologun qipriot, Presidenti Bajram Begaj shpreh bindjen se Presidenca qipriote do të jetë e fokusuar në procesin e integrimit europian të vendeve të Ballkanit Perëndimor, duke e konsideruar këtë një prioritet strategjik.
Ndërsa më herët, Kryeministri Rama rikonfirmoi angazhimin për arritjen e këtij objektivi kombëtar përgjatë këtij mandati.
Popular
Çfarë është depresioni i Janarit dhe si ta trajtojmë?
Muaji janar konsiderohet si muaji më depresiv në kalendar. Sipas statistikave në këtë muaj ndodhin numri më i madh i vetëvrasjeve, divorceve e shumë njerëz janë keq financiarisht në këtë muaj.
Por cilat janë arsyet që e bëjnë këtë muaj më depresiv dhe si mund të tejkalohet depresioni?
Në depresionin e janarit ndikon e gjithë festa që bëhet në dhjetor për fundvit. Entuziazmi që ndjejmë ne gjatë muajit dhjetor për të festuar, për të bërë dhurata, për ta marrë pjesë në evente, për ta mbyllur vitin, qoftë në punë qoftë ne jetën personale, na merr shumë energji dhe mungesa e energjisë së shpenzuar fillon të vërehet në janar. Gjithashtu janari është muaji ku dita është me e shkurtër dhe nata më e gjatë dhe mungesa e dritës ndikon në çlirimin e menatoninës që është një hormon që na bën të ndihemi me të lodhur dhe më të përgjumur.
Në depresionin e janarit ndikon edhe gjendja ekonomike. Të gjithë e dimë që shpenzimet e pakontrolluara në dhjetor reflektohen në janar dhe të gjitha këto e bëjnë pastaj janarin që të duket shumë i gjatë, që do të thotë se nuk kemi financa të mira, nuk kemi energji, po fillojmë një vit ku nuk e kemi të qartë se çfarë duam prej vetes, na duhet edhe një vetëreflektim.
Megjithatë kjo nuk përjetohet nga të gjithë njësoj, por pë rata që e përjetojnë duhet të bëjnë diçka që të mos e ndiejnë janarin depresiv.
Për të shmangur depresionin duhet që njerëzit të jenë sa më shumë aktivë.
Popular
Shenjat e zodiakut që bëhen më të bukura ndërsa plaken
Sharmi dhe bukuria e jashtme nuk zgjasin përgjithmonë, përveç nëse i përkisni njërës prej shenjave të mëposhtme të zodiakut. Duket se koha punon në favorin e tyre dhe ata arrijnë të ruajnë një pamje rinore dhe të bukur, por më e rëndësishmja, të rrezatojnë një bukuri të përjetshme.
Dashi
Dashi njihet për vetëbesimin e tij të pakufizuar. Kjo shenjë zjarri nuk e humbet pasionin për jetën me kalimin e kohës. Vendosmëria dhe vetëbesimi i tyre i bëjnë ata tërheqës. Ata janë plot energji dhe pasion për jetën. Ndërsa plaken, ky pasion nuk zhduket, por shndërrohet në një forcë të thellë të brendshme. Ata janë të sigurt dhe e dinë se çfarë duan, gjë që i bën jashtëzakonisht tërheqës për të tjerët. Ajo që ndryshon për Dashin me moshën është një ndjenjë thellimi e qëllimit. Dashi fillon të rafinojë personalitetin e tij të zjarrtë duke e kanalizuar shtytjen e tij drejt qëllimeve kuptimplote. Në këtë mënyrë, ata bëhen më të duruar, të përqendruar dhe të sigurt në vetvete. Është pothuajse sikur grumbullojnë përvoja jetësore dhe e transformojnë entuziazmin e tyre të papërpunuar në një shkëlqim, të cilin e rrezatojnë ndërsa plaken.
Binjakët
Binjakët janë shpirti i përjetshëm fëmijëror i zodiakut. Kurioziteti dhe etja për të mësuar i mbajnë gjallë, pasi janë gjithmonë të gatshëm të eksplorojnë botën përreth tyre. Në vend që të kapen pas jetës së përditshme, Binjakët ruajnë shpirtin e tyre rinor, i cili reflektohet në lëkurën dhe energjinë e tyre. Ata janë si vera – bëhen më të bukur me kalimin e moshës. Nevoja e tyre e lindur për të mësuar dhe kurioziteti transformohen në vetëbesim dhe mençuri të thellë. Ata rrezatojnë energji pozitive nga jashtë, dhe bukuria e tyre e brendshme është e papërmbajtshme.
Peshorja
Ata që i përkasin kësaj shenje të zodiakut janë të bukur natyrshëm. Harmonia që qeveris personalitetin e tyre dhe qetësia që përpiqen të ruajnë në jetën e tyre i ndihmon të qëndrojnë të qëndrueshëm, paqësorë dhe me mendim të qartë. Në të njëjtën kohë, natyra e tyre e ndjeshme dhe pikëpamja e tyre artistike për jetën reflektohen edhe në pamjen e tyre. Ata e duan luksin dhe kanë tendencë të shohin të mirën tek njerëzit, prandaj mbeten të dashur. Kjo mirësi e lindur shndërrohet në një bukuri që nuk zbehet pavarësisht se sa vite kalojnë.
-
Albania1 day ago“Wizz Air” le në mëshirë të fatit pasagjerët e linjës Londër-Tiranë
-
UK4 days agoFOTO/ Nëna me dy fëmijët humbën jetën në një zjarr tragjik në Angli
-
Albania4 days agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
Albania5 days agoShqiptari në Britani shpëton nga deportimi pasi “partnerja nuk i flet shqip”
-
UK1 day agoVizitorët, tarifë për të hyrë në Britani – Shtetasit që udhëtojnë pa viza duhet të aplikojnë për autorizim
-
UK5 days agoRrëzohet aeroplani në Britani, alarm në aeroportin Southend në Londër
-
Sports4 days agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
UK2 days agoBllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
