Aktori i njohur dhe shumë i dashur për publikun, Tom Hanks ka zbuluar së fundmi edhe interesin e tij për universin, ndërsa këmbëngul se do të ishte i gatshëm të bëhej pastruesi në bordin e një rakete, nëse do ta lejonin të udhëtonte në hapësirë.
“Unë do të doja të isha njeriu i ngarkuar për të shërbyer ushqim dhe për të bërë shaka. Nëse do të kishte vend, unë do të isha njeriu që pastron, bën shaka, tregon histori dhe i argëton të gjithë. Ndoshta do të regjistrohesha tani!
Kjo mund të jetë një ide e mirë, unë do të bëj të gjithë punët. Do të pastroj tualetin, do të shërbej ushqimin, do të palos rrobat, do të vendos pajisjet… në këtë mënyrë të tjerët mund të jenë të lirë të bëjnë gjëra të tjera,” tha Hanks në një intervistë për ‘The Telegraph’.
Kujtojmë së aktori luajti rolin e një astronauti në projektin kushtuar eksplorimit të Hënës, ‘Apollo 13’ ku tha edhe vargun e famshëm, famëkeq – “Houston, ne kemi një problem!”
Hanks tha se u frymëzua nga ekspozita e David Hockney në Lightroom, e cila e bëri atë të mendojë se “mund të ecësh në Hënë këtu, nëse do”.
Ai tha për ‘The Telegraph’ se shfaqja ishte pjesërisht e frymëzuar nga imazhet e “makinës së kohës” të marra nga teleskopi hapësinor James Webb dhe do të mbështetet në takimet e tij me astronautë të ndryshëm. Aktori do të takohet me ekuipazhin i cili përbëhet nga katër persona në javët e ardhshme.
Hanks vlerësoi misionin ‘Artemis’ për ndarjen e barabartë të ekuipazhit sa i përket numrit të meshkujve dhe femrave, duke thënë se “ka ardhur koha” pasi asnjë grua nuk ka shkuar ndonjëherë në Hënë.
“Katër njerëz në ‘Artemis’ do të shohin Tokën duke u ngritur mbi Hënë dhe disa prej tyre do të jenë një gjini tjetër përveç mashkullit. Unë mendoj se kjo thotë gjithçka për përparimin e njerëzimit pikërisht atje.”, tha ai.
“Apoloni ishte burra, burra, burra, burra, burra. Duhet të dërgojmë njerëzit më të mirë absolut në ‘Artemis’ dhe me mend çfarë? Disa prej tyre do të jenë gra.”, tha me entuziazëm aktori.
