Kryeministri izraelit Benjamin Netanyahu është takuar në Jerusalem me të dërguarin special dhe dhëndrin e presidentit amerikan Donald Trump, Jared Kushner, për të diskutuar zhvillimet e fundit në Rripin e Gazës, bëri të ditur të hënën një zëdhënës i qeverisë izraelite.
Sipas njoftimit, në qendër të bisedimeve ishte çështja e rreth 200 militantëve të Hamasit të bllokuar në tunelet në anën izraelite të Vijës së Verdhë në Gazë.
Dy zyrtarët diskutuan gjithashtu çarmatosjen e Hamasit, demilitarizimin e Gazës dhe mënyrat për të siguruar që grupi militant të mos ketë më rol në administrimin e territorit.
“Çdo vendim në lidhje me 200 terroristët e bllokuar në Rafah do të merret në koordinim me administratën Trump,” deklaroi një zëdhënës i Netanyahut.
Kushner mbërriti në Izrael të dielën për bisedime mbi zbatimin e planit amerikan për t’i dhënë fund luftës në Gaza, sipas burimeve diplomatike. Pritet që në takime t’i bashkohet edhe i dërguari tjetër amerikan, Steve Witkoff.
