Nën Kullën Eiffel, Neymar Junior ka regjistruar 80 ndeshje, 69 gola e 30 asist me fanellën e Paris Saint-Germain, por pavarësisht se shifrat janë impresionuese braziliani nuk është ndjerë kurrë i lumtur në Paris. O’Ney është tashmë 28 vjec e ndihet në periudhën më të mirë të karrierës së tij: logjike dëshira për të fituar tituj që ti përgjigjen kualitetit të tij. Në këtë pikë Ligue 1 i rri ngushtë. O’Ney nuk shkoi në Paris për të fituar kampionatin francez (as Psg nuk e bleu për këtë). 222 milionët e paguar në 2017 kanë vetëm një qëllim, Champions League.
Imponimi në Europë nuk është i lehtë edhe për skuadra me kapacitete të mëdha ekonomike: prova është Manchester City, që nuk i bëri punë as ardhja e Guardiolas. Mbërritja e Neymar nuk e bëri Paris Saint-Germain të shkonte kurrë as në katër më të mirat e Europës dhe ajo Champions e fituar me katalanasit është kthyer të jetë nostalgjike. Dy dalje të parakohshme në 1/8, e kanë bindur Neymar të kërkojë shitjen në verë. Zemra e brazilianit rreh akoma për Barcelonën: e ka kuptuar se gaboi të largohej nga Leo Messi, Luis Suarez e MSN që ndoshta ishte tredhëmbëshi ofensiv më i fortë i pasluftës.
E nuk mjafton kalimi i turnit kundër Borussia Dortmund, për më tepër me dy gola të shënuar në dy ndeshje. Cerekfinalet për Psg duhet të jenë objektivi minimal i cdo fushate europiane. Edi edhe Neymar, që vazhdon të kërkojë shitjen e, sipas lajmeve të fundit nga Katalonja, i ka rrëfyer shokëve të skuadrës se do të kthehet tek Barcellona, pavarësisht se parisienët janë gati ta mbulojnë me ar. Por paratë janë problemi i fundit: O’Ney dëshiron të fitojë Champions si protagonist e për ta bërë ka nevojë për garanci, gjë që Barça e ka.
