Ditët e fundit, mediat britanike kanë arritur të zbulojnë mashkullin misterioz me të cilin Dua Lipa është fotografuar në daljet e saj të fundit në publik. Sipas “The Sun”, bëhet fjalë për regjisorin 41-vjeçar Romain Gavras, i cili më herët ka qenë i lidhur me Rita Orën në vitin 2021.
Për këtë arsye, media britanike i ka kushtuar një shkrim dy këngëtareve të famshme shqiptare. Sipas “The Sun”, Rita Ora dhe Dua Lipa kanë një rrugëtim shumë të ngjashëm në karrierë, por edhe në jetën e tyre private.
“The Sun” shkruan se Dua Lipa ka muaj që takohet me regjisorin francez. Ai ishte në një lidhje 6 mujore më herët me Rita Ora, me të cilën u nda në mars të vitit 2021.
“Familjet e tyre, me origjinë shqiptare, kishin miqësi kur jetonin në Kosovë dekada më parë, përpara se të vinin në Angli në vitit nëntëdhjetë për t’i shpëtuar luftës atje. Rita dhe Dua ndoqën të njëjtën shkollë në Londër dhe tashmë kanë shumë miq të përbashkët. Dua Lipa u bë imazh i Adidasit në vitin 2018, katër vite pas Rita Ora kishte bërë të njëjtën gjë me markën e veshjeve sportive. Dua ka ndjekur hapat e Ritës duke u marr edhe me aktrim, një lëvizje të cilën ajo e përshkroi së fundmi si të pashmangshme. Dua Lipa po ndjek ëndrrën e saj në Hollivud, ku ka një rol në filmin “Argylle”. Në vitin 2019, Dukagjini, babai i Dua Lipës, publikoi një foto të babait të tij me gjyshin e Rita Orës. “Babai im, Seit Lipa dhe zoti Besim Sahatciu”, shkruante në atë kohë bashkëngjitur fotos Dukagjini.
Ndërsa rriteshin, Rita dhe Dua jetuan vetëm pak kilometra nga njëra-tjetra, e para në Notting Hill, e dyta në Ëest Hampstead. Ndërkohë, familjet e tyre kanë marrëdhënien të mira ende sot. “Prindërit tanë njihen, edhe unë njoh motrën e saj shprehej kohë më parë Dua Lipa për Rita Orën.
Dua dhe Rita kanë arritur majat në muzikë duke marrë pjesë në të njëjtat ngjarje muzikore, ndërsa kanë edhe shumë miq e bashkëpunëtorë të përbashkët. Një prej tyre është edhe këngëtarja tjetër me origjinë shqiptare, Bebe Rexha, me të cilën Rita u shfaq dorë për dore në “MTV Video Music Awards”. Në vitin 2021, Bebe Rexha bashkëpunoi edhe me Dua Lipën. Ajo zbuloi se ishte përpjekur të kishte edhe një bashkëpunim mes të treja, por duket se nuk ia ka dalë deri tani.
Ndërkohë, Romain nuk është i vetmi nga ish të dashurit e Rita Orës që më pas është lidhur me Dua Lipën. Më herët, ishte edhe Calvin Harris.
Sot, ato jetojnë vetëm 3 kilometra nga njëra-tjetra në Londër. Rita Ora në një vilë 7,5 milionë paund, ndërsa Dua Lipa në një të ngjashme 7 milionë paund. Rita është martuar tashmë me Taika, të cilin e takoi vetëm disa javë pas ndarjes nga Romain dhe u martua në gusht 2022. E nëse Rita është tashmë e dashuruar, nuk do të kalojë shumë kohë dhe të njëjtën gjë do të bëjë edhe Dua Lipa”, shkruan ndër të tjera “The Sun”.
Megjithatë, dy vajzat e famshme shqiptare nuk kanë një marrëdhënie të mirë me njëra-tjetrën, madje nuk janë fotografuar asnjëherë së bashku.
