Peshkimi me dinamit dhe ndotja, por mbi të gjitha ngrohja globale, shkatërroi 14% të shkëmbinjve nënujorë koralorë në mbarë botën nga 2009 në 2018, sipas një studimi, më i madhi i kryer ndonjëherë mbi shëndetin e koraleve.
”Më të prekurit ishin koralet nga Azia Jugore dhe Paqësori, ato rreth Gadishullit Arabik dhe jashtë brigjeve të Australisë”, raportuan më shumë se 300 shkencëtarë nga Rrjeti Global i Monitorimit të Relievit të Koraleve.
“Ndryshimi i klimës është kërcënimi më i madh për shkëmbinjtë nënujorë koralorë në botë,” theksoi bashkautori i kërkimit Paul Hardisty, drejtor i Institutit Australian të Shkencave Detare.
Oqeanet thithin më shumë se 90% të nxehtësisë së tepërt të shkaktuar nga emetimet e gazrave serrë, duke mbrojtur sipërfaqet e tokës, por në të njëjtën kohë duke rritur temperaturat e ujit dhe duke shtyrë kështu shumë specie koralesh përtej kufijve të tyre të
Shkëmbinjtë nënujorë koralë mbulojnë vetëm një pjesë të vogël të dyshemesë së oqeanit, 0,2%, por janë shtëpi për të paktën një të katërtën e të gjitha kafshëve dhe bimëve detare.
