Kastriot Imeri mund të jetë futbollisti i radhës shqiptar që mund të paraqitetet në Ligue 1 të Francës.
Interesim për futbollistin e Servettes ka shprehur skuadra e Nice, raporton të martën “Le Matin”.
Gjasat që reprezentuesi i Zvicrës t’i bashkohet francezëve në këtë afat kalimtar janë të vogla, pasi Imeri dëshiron që këtë sezon ta mbyllë me skuadrën nga Gjeneva.
Imeri me Servetten ka kontratë deri në qershor të vitit të ardhshëm.
21-vjeçari këtë edicion ka shënuar tetë gola në 17 ndeshje në të gjitha garat. Ai ka kontribuar edhe me dy asistime.
