Gooding&Company do të nxjerrë së shpejti në ankand një Ferrari 250 Europa GT, që qëndronte i fshehur në një garazh prej 55 vitesh.
Pasardhësit e pronarit të vdekur të kësaj makine do të kenë fatin të marrin një dorë të mirë parash nga “hekurishtja”.
Ky Ferrari nuk ka parë dritën e diellit që nga viti 1966 dhe menjëherë pasi i vdiq pronari, trashëgimtarët, të cilët e dinin se ku qëndronte e fshehur makina, nuk kanë humbur kohë dhe menjëherë kanë kërkuar ta nxjerrin në ankand.
Sipas ekspertëve, kjo makinë, që është prezantuar në Sallonin e Parisit, në tetor 1954, mund të blihet deri në 2 milionë dollarë. Çmimi mund të shtohet po të merret parasysh se ka vetëm 33 671 km, nuk ka pësuar aksidente dhe numri i shasisë me atë të motorit përkon.
Ferrari prodhoi vetëm 43 njësi të këtij lloji.
