Dy ditë më parë vëllai i Princeshë Diana akuzoi rrjetin britanik të lajmeve BBC se kishin shantazhuar motrën e tij për të dhënë një intervistë në vitin 1995 për emisionin Panorama.
Sot rrjeti britanik i lajmeve njofton se kanë kërkuar një hetim për të nxjerrë të vërtetën.
Sipas BBC, Lord Dyson është emëruar si prokuror për të kryer një hetim të pavarur për akuzat e ngritura nga vëllai i Lady Dianës.
Kjo vjen pasi vëllai i Dianës, Earl Spencer, pretendoi se gazetari i BBC Martin Bashir ka përdorur deklarata bankare të falsifikuara për ta bindur atë të bënte intervistën.
Nga ana tjetër drejtori i përgjithshëm i BBC, Tim Davie, tha se “BBC është e vendosur të arrijë të vërtetën për këto ngjarje dhe kjo është arsyeja pse ne kemi porositur një hetim të pavarur”.
Earl Spencer gjithashtu pretendoi se reporteri i Panorama falsifikoi dhe shumë dokumente të tjera dhe kishte shpifur kundër familjes mbretërore.
Martin Bashir, 57 vjeç, aktualisht redaktor i fesë në BBC News, është sëmurë dhe nuk ka komentuar akuzat e ngritura kundër tij.
