Ka nisur kërkimi privat për futbollistin e Cardiff City, Emiliano Sala, pasi janë mbledhur gati 300 mijë euro për ta financuar kërkimin e tij.
Kërkimi zyrtar për sulmuesin argjentinas dhe pilotin David Ibbotson u ndërpre përfundimisht të enjten, por mbledhja e parave ka bërë që tani të nisë një kërkim privat për 28-vjeçarin.
Paratë u mblodhën përmes faqes GoFundMe. Familja e Sala tani është në gjendje t’i financojë dy anije private për ta kërkuar atë.
Aeroplani u zhduk nga radari mbi Kanalin Anglez gjatë udhëtimit të dyshes nga Franca për në Angli të hënën mbrëma.
Në mesin e kontribuuesve për t’i mbledhur të hollat për financimin e kërkimit të tij, i cili nisi të shtunën mbrëma, janë edhe disa futbollistë.
