Në aktivizimin e parë si titullar në më tepër se dy muaj e gjysmë, Kristjan Asllani u shpall “Lojtari i Ndeshjes” për Interin.
Lojtari shqiptar shkëlqeu në mesfushën e zikaltërve, duke mbajtur gjithmonë lojën nën kontroll, teksa aksionet e dy golave të triumfit të skuadrës nisën pikërisht nga këmbët e tij.
Shifrat e Asllanit përballë Parmës ishin mbresëlënëse. Talenti kuqezi e preku topin 141 herë, duke dhënë 96 për qind të pasimeve të sakta.
Ai fitoi 4 nga 5 duelet ku u përfshi në mesfushë, teksa ishte vendimtar në suksesin e Interit.
