Këngëtarja shqiptare me famë ndërkombëtare, Dua Lipa, prej disa ditësh ndodhet në Shqipëri. Ajo është e shoqëruar nga anëtarët e tjerë të familjes, babai Dukagjini, nëna Anesa si dhe nga motra Rina dhe vëllai Gjini.
Ka qenë së fundmi mamaja e artistes që ka ndarë disa imazhe nga pushimet e tyre në jug. Në foto duken të gjithë anëtarët e familjes Lipa.
Kjo nuk është hera e parë që ata shijojnë pushimet në një resort luksoz në vendin tonë. Kujtojmë se gjatë vitit të kaluar Dua mori edhe nënshtetësinë shqiptare nga presidenti Bajram Begaj.
