Rreth 20 persona kanë marrë lëndime dhe një ka vdekur, si pasojë e aksidentit i cili ndodhi sot në Gjilan.

Disa prej tyre janë në gjendje të rëndë shëndetësore. Ndërkaq deri më tani dihet se një person ka mbetur i vdekur si pasojë e këtij aksidenti.

“Mund të ju konfirmoj se një i vdekur është si pasojë e këtij aksidenti. Ndërkohë që raportohet të jenë diku rreth 20 persona që kanë marrë lëndime trupore”, ka thënë zëdhënësi i policisë në rajonin e Gjilanit, Ismet Hashani.

Policia dhe ekipet e tjera emergjente janë në vendin e ngjarjes. 

Një kamion dyshohet të ketë qenë shkaktar i aksidentit në qytetin e Gjilanit.