Tifozët e Shqipërisë kanë mbështetur Kombëtaren gjatë gjithë zhvillimit të eliminatoreve, duke u dhënë një shtysë të madhe drejt kualifikimit të madh. Sonte në impiantin gjigand “Air Albania” luhet takimi i fundit, ai ndaj Ishujve Faroe, me fillim nga ora 20.45.
Përderisa zhvillohet akti i fundit, lojtari i 12-të po përgatitet për festën e madhe. Për këtë sfidë, do të jenë prezent edhe djemtë e heroit, Afrim Bunjaku, polici i Kosovës i cili humbi jetën në krye të detyrës, teksa po i bënte ballë serbëve në fshatin Banjska të Leposavçit.
“Bashkë me ne sot, në festën e kombëtares tonë, janë edhe dy djemtë e heroit të Republikës, Afrim Bunjakut”, shkruan Gëzim Bajrami nga Tifozat Kuq e Zi!
