Një miliard njerëz mund të infektohen me koronavirus në të gjithë botën

Një miliard njerëz mund të infektohen me koronavirusin në të gjithë botën nëse vendeve të prekshme nuk u jepet ndihmë urgjente, ka paralajmëruar një grup ndihmës. Komiteti Ndërkombëtar i Shpëtimit (IRC) tha se ndihma financiare dhe humanitare ishin të nevojshme për të ndihmuar në ngadalësimin e përhapjes globale të virusit. IRC tha se “vende të brishta” si Afganistani dhe Siria kishin nevojë për “financim urgjent” për të shmangur një shpërthim të madh. “Mbetet një dritare e vogël kohe për të dhënë një përgjigje të fortë,” paralajmëroi IRC. Ka pasur më shumë se tre milion raste të konfirmuara të Covid-19 në të gjithë botën me më shumë se 200,000 vdekje, sipas Universitetit Johns Hopkins në SH.B.A. Raporti i IRC, i cili bazohet në modele dhe të dhëna nga Organizata Botërore e Shëndetit (WHO) dhe Imperial College London, vlerëson se mund të ketë midis 500 milion dhe një miliard infeksione në nivel global. IRC gjithashtu tha që mund të ketë më shumë se tre milion vdekje nëpër dhjetëra vende të prekura nga konflikti dhe paqëndrueshmëria.