Një numër rekord prej 28,076 emigrantësh kanë hyre ne Britaninë e Madhe me varka të vogla këtë vit, një rritje prej 46% krahasuar me të njëjtën periudhë në vitin 2024, treguan të dhënat qeveritare, duke shtuar presionin mbi qeverinë e kryeministrit Keir Starmer për mënyrën e trajtimin të emigracionit.
Rekordi u arrit të dielën pasi 212 emigrante mbërritën me katër varka të ndryshme ne Britaninë e Madhe, treguan të dhënat. Rritja e ndjeshme vjen mes shqetësimit në rritje të publikut mbi imigracionin, i cili në sondazhe po konsiderohet shqetësimi kryesor i publikut, me protestat kundër emigrantëve që vazhdojnë jashtë hoteleve që strehojnë azilkërkues.
Qeveria britanike është e detyruar ligjërisht të strehojë azilkërkuesit. Përdorimi i hoteleve për ta bërë këtë kishte qenë një problem i dorës së parë deri në vitin 2020, kur numri i azilkërkuesve u rrit ndjeshëm dhe qeveria e atëhershme konservatore duhej të gjente mënyra të reja për t’i strehuar ata.
