Në momentin e tij më të vështirë, kur tek Inter hapësirat ishin me pikatore, në krah të Kristjan Asllanit doli Sylvinho. Ndryshe nga Edy Reja, i cili nuk e preferonte, Sylvinho e mbështeti lojën e tij te këmbët e Asllanit. Talenti kuqezi ia shpërbleu me paraqitje fantastike, së bashku me Ylber Ramadanin, kanë formuar dyshen perefekte të mesfushës. Fakt është që pas paraqitjeve të shkëlqyera me Shqipërinë, Asllani filloi të merrte gjithnjë e më shumë minuta edhe tek Inter, fitoi me shumë besim, fitoi më shumë minuta, duke bërë që tani Inzaghi ta shoh ndryshe:
“Asllani po më bind gjithnjë e më shumë, ndeshje pas ndeshje”, u shpreh trajneri i Interit pas ndeshjes kundër Salzburg. Tani Asllani nuk është thjesht një zëvendësues, por është një opsion shumë i rëndësishëm për trajnerin Inzaghi, është ai lojtar që është gjithë gati të futet në fushë në çdo moment, për t’i dhënë Interit një tjetër ritëm.
Sigurisht, Asllani ka përpara një rival shumë të fortë, një nga regjisorët më të mirë në qarkullim si Calhanoglu, por e rëndësishme është që Inzaghi e ka gjithnjë në konsideratë, i beson minuta të rëndësishme në ndeshje shumë delikate, si ajo kundër Atalanta-s apo kundër Salzburg në Champions:
“Asllani, Interi i Inzaghi-t ka një qartësi më shumë”, shkruan TuttoSport. Sipas mediave italiane, Asllani po projektohet si titullar në sfidën e radhës të Serie A, atë kundër Frosinones me 12 nëntor.
