Një valë sulmesh ruse tronditi Kievin – Ndërtesa apartamentesh u goditën, një i vdekur dhe 11 të plagosur
Europë | 28 minuta më parë
Në orët e para të së shtunës (29 nëntor), kryeqyteti ukrainas Kiev u bë shënjestër e një vale të re sulmesh të rënda nga ushtria ruse, me shpërthime të fuqishme që tronditën qytetin.
Autoritetet raportojnë se një person ka humbur jetën dhe 11 të tjerë janë plagosur.
Kryebashkiaku Vitali Klitschko njoftoi në platformën Telegram se sistemet e mbrojtjes ajrore u aktivizuan menjëherë, ndërsa sulmi armik vijon.
Sipas tij, disa ndërtesa shumëkatëshe dhe komplekse rezidenciale janë dëmtuar, ndërsa automjete janë shkatërruar në gjashtë lokacione të ndryshme të kryeqytetit.
Pamje të shpërndara në rrjetet sociale tregojnë shtëpi dhe pallate apartamentesh të përfshira nga flakët, pas goditjeve me raketa dhe dronë.
Kreu i komandës ushtarake të Kievit, Timur Tkachenko, dënoi ashpër sulmet, duke i cilësuar si “përpjekje për të terrorizuar popullsinë civile”.
Ky bombardim vjen vetëm disa ditë pas një sulmi të ngjashëm që shkaktoi vdekjen e shtatë personave në Kiev.
Ngjarjet ndodhin në një moment kritik, teksa negociatorët ukrainas pritet të takohen me zyrtarët amerikanë këtë fundjavë për të diskutuar një plan të rishikuar paqeje të propozuar nga SHBA-ja.
