Një video e postuar nga Sekretari i Shëndetësisë dhe Shërbimeve Njerëzore të SHBA-së, Robert F. Kennedy Jr., së bashku me rokerin Kid Rock, po bën xhiron e rrjetit dhe ka shkaktuar valë memesh dhe komentesh humoristike nga përdoruesit e mediave sociale.
Videoja 90-sekondëshe tregon Kennedy dhe Kid Rock duke pozuar pa bluzë, duke ngrënë, ulur në makinë, duke luajtur pickleball, duke bërë ushtrime në palestër dhe sauna, madje duke pirë gota qumësht, ndërsa në ekran shfaqet slogani: “Bëhu aktiv + ha ushqim të vërtetë”.
Momenti i tyre më i diskutuar është padyshim pozimi pa bluzë dhe stërvitja në biçikletë, ku Kid Rock i tregon kamerës gishtin e mesëm, ndërsa Kennedy bën një zhytje në vaskë me xhinse!
Kjo video ka nxitur një valë meme dhe reagimesh humoristike. Përdoruesit krahasojnë dyshen me superheronj që “mbrojnë shëndetin amerikan”.
GIF-e dhe meme satirike që tregojnë “teknikat e stërvitjes së sekretarit” u shpërndanë në TikTok dhe X.
Skenat më bizare, si lojërat e pickleball apo pijet me qumësht, janë përdorur për satirë dhe shaka mbi mënyrën e promovimit të shëndetit në SHBA.
Për shumicën e përdoruesve, videoja është më shumë komedi se fushatë serioze shëndetësore, dhe memet kanë përhapur më shumë se mesazhi i drejtpërdrejtë i aktivitetit fizik.
