Afati i urdhërit për mbajtjen e maskave në Nju Jork do të përfundojë të enjten, dy muaj pas njoftimit të tij, deklaroi sot guvernatorja Kathy Hochul, por ky rregull do të mbetet në fuqi në shkolla deri në fillim të muajit mars.
Hochul, e cila i ka shtyrë prindërit të përmirësojnë normat e vaksinimit në fëmijëri, tha se do të bënte një vlerësim mbi afatin e mbajtjes së maskave ne shkolla në javën e parë të marsit.
Guvernatorja tha se qasja ndaj maskave në shkolla duhet të ishte e menduar mire dhe jo “reaktive”.
Më shumë se 60% e njujorkezëve të moshës 5 deri në 11 vjeç nuk janë vaksinuar plotësisht, sipas të dhënave shtetërore.
Hochul përshëndeti normat në rënie të rasteve me Covid-19 në të gjithë shtetin, duke thënë se “trendet janë shumë pozitive”.
