Ruben Amorim ka injoruar krahasimet me Sir Alex Ferguson, duke thënë se ‘nuk është e mundur’ që të evitohet suksesi tek Manchester United për kaq shumë kohë.
Pasi mori frenat e klubit në vitin 1986, Ferguson nuk fitoi trofe në ‘Old Trafford’ deri në vitin 1990, por Amorim pretendon se kjo situatë nuk është e mundur të përsëritet këto ditë.
Trajneri i Unitedit ka insistuar se presioni është totalisht ndryshe dhe e kupton se ai nuk do të ketë kaq shumë kohë për të përmbysur gjërat.
United është në rrugë për të regjistruar pozicionin më të dobët në tabelë në histori të klubit këtë sezon në Ligën Premier, duke qëndruar me shtatë pikë më pak se Bournemouthi në vendin e dhjetë.
‘Mendoj se fokusi duhet të jetë se si ta përmirësojmë ekipin tonë në çdo aspekt. Liga Premier është shumë e vështirë, unë kam shumë njerëz që thonë se Sir Alex Fergusonit iu deshën tri apo katër vite për të fituar diçka’.
‘Kjo nuk është diçka e mundur këto ditë sepse ju duhet të dhuroni tri intervista para çdo ndeshje dhe presioni është shumë më ndryshe’.
‘Ne jemi Manchester United. Ka shumë gjëra të mira këtu. Pa marrë parasysh presionin, ne duhet të jemi aty me ekipet e mëdha’, ka thënë Amorim.
Amorim mund të fitojë një trofe këtë sezon me ‘Djajtë e Kuq’, me United që do të përballet me Lyonin në çerekfinale të Ligës së Evropës brenda pak javësh.
