Kryetari i Komisionit për Sëmundje Infektive, Aleksandar Petliçkovski deklaroi se deri më tani nuk ka asnjë konfirmim se ka një person të infektuar me linë e majmunëve në vend.
Për rastin e parë të dyshimtë, kërçovari i ardhur nga jashtë, mostra është ende në pritje për ekzaminim, ndërsa për emigrantin që dje u kap duke tentuar të kalojë territorin e Maqedonisë, me simptoma të dyshimta – testi ka rezultuar se ka qenë negativ.
Komisioni për sëmundjet infektive thotë se ky nuk është një Covid i ri – nuk ka vend për panik.
