Një kopsht zoologjik në Nuremberg të Gjermanisë ka deklaruar se gjatë së martës, asgjësoi 12 babuinë pavarësisht protestave duke u dhënë fund shqetësimeve se nuk kishin mjaftueshëm hapësirë për kafshët.
Kopshti zoologjik Tiergarten Nürnberg deklaroi në shkurt të vitit 2024 se nuk kishte vend të mjaftueshëm dhe do të vriste majmumët. Në deklaratë, thuhej se ishin konsideruar ofertat për strehimin e disa kafshëve, por ishte e pamundur që ndonjëhera prej tyre të realizohej.
Ky plan nxiti kritika nga grupet e të drejtave të kafshëve. Ata protestuan edhe te kopshti zoologjik i cili të hënën deklaroi se do t’i duhej të përgatitej për të vrarë babuinët. Mëngjesin e së martës, njoftoi se do të qëndronte mbyllur për “arsye operacionale” të paspecifikuara.
Pasditen e së martës, policia tha se disa aktivistë kishin hyrë me forcë, disa edhe duke u ulur në tokë përpara se të merreshin nga autoritetet.
Pak pas kësaj, kopshti tha se kishte vrarë 12 babuinë, sipas mediave gjermane. Detaje të mëtejshme nuk u dhanë. Grupet e të drejtave të gatshme thanë se do të ngrenë një padi kriminale.
Në kopsht gjendeshin 43 babuinë nga Guinea, çka nuk mjaftonte për strehën e 25 kafshëve dhe të vegjëlve të tyre, duke shkaktuar probleme.
Kopshti tha se në të shkuarën ka ndërmarrë hapa duke zhvendosur 16 majmunë në kopshtet zoologjike në Paris dheKinë që prej vitit 2011. Por kopshte të tjera dhe një tjetër në Spanjë ku ata dërgoheshin më parë, kishin arritur kapacitetet e plota.
Në kopshtet zoologjike europiane, kafshët i nënshtrohen eutanazisë për një mori arsyesh. Disa kanë shkaktuar edhe reagime të forta. Në vitin 2014, kopshti zoolgjik i Kopenhagës vrau një gjirafë dy vjeçe, e copëtoi para një turme ku kishte edhe fëmijë dhe ua hodhi luanëve.