Një avion i Air India është detyruar të kthehet mbrapsht në Hong Kong pas dyshimit për një problem teknik. Bëhet fjalë për një avion të të njëjtit lloj që u rrëzua javën e kaluar në Ahmedabad, një Boeing 787-8 Dreamliner.
Një zëdhënës i Air India i tha Sky News se avioni me pasagjerë ishte nisur për në New Delhi, por u kthye mbrapsht pasi piloti kishte dyshime për një çështje teknike.
Deri më tani nuk është bërë arsyeja e problemit. Sipas asaj që shkruajnë mediat ndërkombëtare fluturimi me numër AI315 u nis nga Hong Kongu në orën 12:16 dhe pas një ore, sipas të dhënave nga Flightradar, u ul sërish në të njëjtën pistë.
Zëdhënësi tha për median britanike se kompania nuk e ka përcaktuar ende se cili ishte problemi teknik, por piloti dyshoi për diçka. Për këtë arsye, avionit po i kryhet një inspektim.
Kompania që prodhon avionët Boeing nuk i është përgjigjur kërkesave për komente.
Ngjarja ndodh disa ditë pas rrëzimit katastrofik të një avioni tjetër të Air India që shkaktoi 241 viktima dhe vetëm një person mundi të mbijetojë.
