Numri i shqiptarëve që bëjnë kalime të rrezikshme me varka të vogla drejt Britanisë së Madhe është ulur me fillimin e një skeme largimi të shpejtë.
Vetëm 29 kaluan Kanalin në tre muajt e parë të këtij viti – një pjesë e 12 mijë e 301 që bënë udhëtimin në vitin 2022, tregojnë shifrat zyrtare.
1 mijë e 99 shqiptarë erdhën këtu në tre muajt e fundit të vitit të kaluar, shkruan gazeta britanike “The Sun”.
Rreth 500 emigrantë të paligjshëm janë kthyer deri më tani në Shqipëri pasi Rishi Sunak premtoi të ndalonte varkat – një nga pesë prioritetet kryesore të Kryeministrit të përshkruara për këtë vit.
Zyrtarët besojnë se moti i keq ka penguar disa që të largohen nga vendi i Evropës Lindore.
Besohet gjithashtu se bandat, të cilat paguajnë mijëra për kalimet, kanë frikë se do të ndalohen nëse i kapin në një varkë të vogël.
Alp Mehmet, kryetar i Migration Watch, institut që monitoron fluksin e migracionit, u shpreh se shqiptarët kanë marrë mesazhin.
“Duket se iniciatorët shqiptarë mund ta kenë marrë mesazhin – nëse vini ilegalisht nuk do të mund të qëndroni. Tani le t’ua kalojmë të tjerëve (mesazhin), prej të cilëve numri më i lartë në një ditë këtë vit arriti në fundjavë”.
Shifrat e Home Office, shkruan “The Sun”, zbuluan sot se kishte 909 të ardhur afganë, rreth 24 për qind e totalit, me 675 indianë që erdhën këtu me varka të vogla.
Deputeti konservator, Kevin Foster tha se shifrat tregonin se shpërthimi po “prodhonte rezultate”, duke shtuar se ishte thelbësore që Projektligji i Migrimit të Paligjshëm të kalonte përmes Commons.
Ai tha se “ka më shumë për të bërë, prandaj është jetike që Projektligji i Migracionit të kalojë Commons këtë javë dhe kolegët e pazgjedhur të mos e pengojnë atë”.
Komisioni për Barazi dhe të Drejtat e Njeriut pretendon se legjislacioni do të shkelte ligjin ndërkombëtar.
Më 13 dhjetor, kryeministri britanik, prezantoi ndryshimet në sistemin e emigracionit.
Në Parlament ai ka deklaruar se ndryshimet duhet të çojnë në refuzimin e “shumicës dërrmuese” të kërkesave për azil.
Kryeministri britanik u shpreh se pothuajse një e treta e azilkërkuesve janë nga Shqipëria, “një vend i sigurt dhe i begatë” dhe për këtë arsye theksoi se “ju siguroj që të gjithë shqiptarët e mbetur të largohen shpejt”.
Kryeministri ravijëzoi se askush nuk mund të dyshojë në bujarinë e njerëzve në Mbretërinë e Bashkuar, por se shumë nga njerëzit që vijnë në MB me varka të vogla nuk po ikin nga zonat e luftës apo persekutimi.
Sunak tha se rregullat aktuale të azilit nuk janë krijuar për t’u marrë me ardhjet si kjo.
Po ashtu ai njoftoi se më shumë drejtues të anijeve të vogla do të ndiqen penalisht. Kështu, së pari, do të ketë një komandë të re, të unifikuar të varkave të vogla.
Sipas një plani të prezantuar nga kryeministri, një njësi e dedikuar prej 400 specialistësh do të ngrihet për të trajtuar kërkesat nga shqiptarët.
Zyrtarët kufitarë të Mbretërisë së Bashkuar do të vendosen gjithashtu në Shqipëri, sipas një marrëveshjeje të re me vendin.
Do të ketë gjithashtu 700 persona staf për një njësi të re për të monitoruar anijet e vogla që kalojnë Kanalin Anglez.
Sunak njoftoi gjithashtu planet për të strehuar 10 mijë azilkërkues që presin kërkesa në parqet e pushimeve të papërdorura, ish-salla studentore dhe objekte ushtarake të tepërta.
