“Festa ka mbaruar” për të pasurit e Londrës, sipas ‘Sunday Times’ , pasi lista e saj e të pasurve për vitin 2023 tregon se numri i miliarderëve britanikë ra këtë vit për herë të parë që nga kriza financiare 2007 – 2008. Sipas listës, janë 171 miliarderë në Britani këtë vit, gjashtë më pak se vitin e kaluar. Pasuria e tyre e kombinuar u rrit me 30.734 paund në 683.856 miliardë paund, por në një kohë kur inflacioni në vend shkon në 4.5%, është e qartë se në terma realë, miliarderët e Londrës janë bërë disi më të varfër.
Ky është një ndryshim i rëndësishëm pas më shumë se një dekade, e cila ishte epoka e artë e pasurisë në Britani. Gjatë kësaj kohe, klubi i miliarderëve të vendit po zgjerohej dhe pasuria e tyre rritej gjithnjë e më shumë. Sipas analistëve por dhe vetë miliarderëve, mjedisi aktual ekonomoik është një mjedis i ri, i formuar nga fundi i normave shumë të ulëta të interesit, shpërthimi i një flluske të dytë teknologjike dhe shqetësimet për industrinë bankare. Dhe ndërsa lajmet për rënien e pasurisë së miliarderëve mund t’i pëlqejnë disave në një kohë të pabarazisë në rritje, Sunday Times kujton se situata e krijuar ka pasoja për të gjithë. Anëtarët e listës së të pasurve nuk funksionojnë në vakum: miliarderët dhe multimilionerët e kujdesshëm kanë më pak gjasa të fillojnë biznese të reja që krijojnë vende pune.
Dhe kur aksionet e kompanive të miliarderëve bien, fondet e sigurimeve dhe investitorët e tjerë gjithashtu pësojnë humbje.
Megjithatë, njeriu më i pasur në Britani këtë vit është Gopi Hinduja dhe familja e tij. Pas vdekjes së vëllait të tij të madh Sri disa ditë më parë, Gopi me origjinë indiane kryeson perandorinë e biznesit familjar, e cila ka interesa në industri, financa, energji dhe IT.
Dorina Kurtaj / SCAN
