Numri i të vdekurve si pasojë e koronavirusit në Spanjë mund të jetë rreth 60 për qind se shifra zyrtare prej 28.342 të vdekurve, ka bërë të ditur një hulumtim i të përditshmes spanjolle, “El Pais”.
Numri i të vdekurve në këtë shtet përfshin personat e diagnosikuar formalisht me koronavirus, por jo edhe rastet e dyshimta, që nuk u testuan.
Mungesa e përhapur e testeve, posaçërisht në fazat e hershme të epidemisë, nënkupton se shifrat zyrtare janë më të vogla sesa numri i njëmendtë, shkruan The Guardian.
Duke numëruar statistikat rajonale të të gjitha vdekjeve të dyshimta dhe të konfirmuara nga virusi, El Pais ka mbërritur tek shifra prej 44.868 vdekje. Nëse është e saktë, atëherë Spanja do të bëhej shteti i dytë përkah numri i vdekjeve në Evropë, pas Mbretërisë së Bashkuar.
Ministria spanjolle e Shëndetësisë nuk u është përgjigjur pyetjeve.
Shifra e El Pais përputhet afërsisht me shifrat e Qendrës spanjolle të Epidemiologjisë dhe Statistikave Shtetërore (INE), që regjistron vdekjet aktuale duke i krahasuar me mesataret e këtij shteti nëpër vjet.
