Gjyqtarët nga Kosova, Genc Nuza, Fatlum Berisha, Bujar Selimaj dhe Visar Kastrati, debutuan në një ndeshje të ligave evropiane në kategorinë e seniorëve.
Nuza si gjyqtar kryesor me gjyqtarët tjerë të Kosovës ndanë drejtësi në duelin Omonia – Kairat Almaty në Ligën e Konferencës.
Ishte ndeshja e gjashtë e fazës grupore.
Dueli u mbyll pa gola, por Nuza dha shtatë kartonë të verdhë për vizitorët, të cilët humbën edhe një penallti në minutën e dytë të kohës shtesë.
Omonia dhe Almaty kanë përfunduar aventurat në garat evropiane. Në Grupin H, Omonia mori katër pikë, kurse Kairati, dy më pak.
