Sipas OBSH-së, 1 në 3 persona në të gjithë botën preken nga probleme neurologjike, të cilat sjellin edhe shkakun kryesor të sëmundjeve dhe paaftësisë. Studimi i ri i publikuar në “The Lancet Neurology” ka dhënë faktet se gjatë vitit 2021, mbi 3 miliardë njerëz në botë vuajnë nga një problem neurologjik.Të dhënat e studimit thonë se numri i këtyre problemeve është rritur me 18%, krahasuar me vitin 1990.
Goditja në tru
MigrenaDemenca
Neuropatia diabetike
Meningjiti
Encefalopatia neurologjike
Epilepsia
Çrregullimi i spektrit të autizimit
Komplikime neurologjike si pasojë e lindjes së parakohshme
Problematika në sistemin nervor
Burrat apo gratë; cilët preken më shumë nga problemet neurologjike?
Zakonisht, problemet neurologjike kanë shkaktuar më shumë paaftësi te burrat, në krahasim me gratë, por në disa sëmundje si: migrena, komplikimet si pasojë e lindjes së parakohshme dhe demenca kanë prekur më shumë gratë.Pse është rritur kaq shumë numri, krahasuar me vitin 1990?
Që prej vitit 1990, nurmri i individëve që jetojnë apo vdesin nga sëmundjet neurologjike është rritur, si pasojë e ndryshimeve demografike. Neuropatia diabetike është gjendja që është rritur më tepër. Kjo rritje, sipas ekspertëve është në përputhje me rritjen e shifrave të diabetit.
Gjithashtu, një tjetër shkak është edhe pandemia Covid-19, e cila solli ndërlikime neurologjike, të cilat nuk ekzistonin më parë dhe në ditët e sotme përbëjnë rreth 23 milionë raste.
Si mund të shmangen?Studiuesit thonë se eliminimi i faktorëve të tillë si presioni i lartë i gjakut dhe ndotja e ajrit mund të parandalojnë deri në 84% rrezikun e goditjeve në tru.
Ulja e niveleve të larta të glukozës plazmatike mund të zvogëlojë rrezikun nga dimenca me 14,6%.Eliminimi i duhanit, i cili kontribuon në rrezikun e goditjes në tru, sklerozës së shumëfishtë dhe demencës.
