Organizata Botërore e Shëndetësisë ka bërë të ditur se dhjetra mace janë infektuar me gripin e shpendëve në Poloni, por nuk duket që virusi të ketë prekur njerëzit.
Në fillim të muajit, autoritetet polake informuan agjencinë e OKB-së për shëndetësinë për rastet e pazakonta të ngordhjes të më shumë se 45 maceve në 13 krahina të vendit.
Testet më të fundit treguan se 29 prej tyre kishin virusin H5N1 të gripit të shpendëve.
Në muajin qershor ndërkohë një variant i ri i H5N1 u raportua edhe tek zogjte dhe specieve të tjera në Azi, Adrikë, Europë dhe Amerikë.
Ndërkohë që që nga viti 2020, OBSH ka raportuar mbi dhjetë raste tek njerëzit.
Shkencëtarët ndërkohë kanë shprehur shqetësimin se rritja e rasteve me H5N1, veçanërisht tek kafshët që kanë kontakt të shpeshtë me njerëzit, mund të çojë në një version të ri të sëmundjes që mund të shpërndahet lehtësisht tek njerëzit, duke çuar drejt një pandemie të re.
OBSH ndërkohë u shpreh se ishte e paqartë mënyra se si macet në Poloni mund të ishin infektuar me gripin e pulës dhe tha se zyrtarët po hetonin burimet e mundshme të ekspozimit, përfshi edhe kontaktet me zogjtë e egër që bartin virusin. Agjencia gjithashtu tha se rreziku që njerëzit në Poloni të infektoheshin me virus ishte i ulët, sidomos për ata që nuk kanë kontakt me kafshët.
