[vplayer id=”181117″]
Organizata Botërore e Shëndetësisë ka paralajmëruar të premten se viti i dytë i pandemisë COVID-19 ishte më vdekjeprurës sesa i pari, teksa India është shndërruar në rastin e shqetësimit më të madh.
Për këtë arsye, përfaqësues të trupit më të madh shëndetësor në botë u kanë adresuar thirrje shteteve të pasura që dozat e planifikuara për vaksinimin e fëmijëve t’i ndajnë si donacione për shtetet më të varfra që kanë ngelur theksueshëm prapa në fushatat e imunizimit, raportojnë mediat e huaja.
Shefi i OBSH-së, Tedros Adhanom Gjebregjesus, ka thënë se dhurimi i vaksinave për programin COVAX duhet të bëhet urgjentisht me qëllim që shtetet e varfra të mund të rimëkëmben nga goditja e rëndë e pandemisë.
