Ndoshta është nga rastet e rralla kur rritja e çmimit shoqërohet edhe me rritje të kërkesës. Por një fakt i tillë po ndodh në resortet dhe hotelet e Durrësit, të cilët pavarësisht rritjes së çmimeve të paketave me 10-15 për qind kanë patur më shumë kërkesa dhe rezervime krahasuar me të njëjtën periudhë të viti të kaluar.
Natyrisht shtimi i kërkesës ka ardhur kryesisht nga turistët e huaj.
Shtimi i fluksit ka bërë që sezoni në Durrës tashmë të mos jetë 2-3 muaj, por ka shkuar deri në 5 muaj, referuar rezervime tashmë të bëra.
Si turistët e huaj ashtu edhe shqiptarët e diasporës duken të kënaqur me çmimet dhe nivelin e shërbimeve në Durrës.
Durrësi këtë sezon veror parashikon që të vendosë një rekord të ri, sa i takon numrit të turistëve të huaj që pritet të vizitojnë kryeqendrën e turizmit bregdetar shqiptar.
