Bota
Oficeri i ushtrisë ruse e pranon: Trupat tona torturuan tmerrësisht ukrainasit, i kërcënuan me përdhunim
Një ish-oficer i ushtrisë ruse ka bërë akuza për marrjen brutale në pyetje, gjatë të cilave ukrainasit u qëlluan dhe u kërcënuan me përdhunim.
Konstantin Yefremov, oficeri më lartë që ka folur kaq hapur, tha në një intervistë ekskluzive për BBC, se Rusia e konsideron atë një tradhtar dhe dezertor, transmeton Telegrafi.
Në një vend në jug të Ukrainës, marrja në pyetje dhe torturat zgjatën për një javë, tregon Yefremov: “Çdo ditë, natën, ndonjëherë dy herë në ditë”.
Yefremov u përpoq të linte ushtrinë disa herë, dhe përfundimisht u shkarkua sepse refuzoi të kthehej në Ukrainë. Tani ai ka ikur nga Rusia.
Duke përdorur fotografi dhe dokumente ushtarake të siguruara nga Yefremov, BBC konfirmoi se oficeri rus ishte në Ukrainë në fillim të luftës – në rajonin e Zaporizhzhia, duke përfshirë qytetin e Melitopolit.
Deri vonë, Konstantin Yefremov ishte zyrtar në ushtrinë ruse me gradën toger. Ai u dërgua në Ukrainë vitin e kaluar dhe ra dakord të fliste për mizoritë që ai dëshmoi atje – duke përfshirë torturën dhe abuzimin e të burgosurve ukrainas.
Ai foli për shokët e tij duke plaçkitur territoret e pushtuara të Ukrainës dhe përshkroi marrjen në pyetje brutale të udhëhequra nga një kolonel rus, gjatë të cilave burrat u vranë dhe u kërcënuan me përdhunim.
Më 10 shkurt 2022, Yefremov mbërriti në Krime, gadishullin ukrainas që Rusia aneksoi nëntë vjet më parë.
Ishte komandanti i njësisë së çminimit të Divizionit të 42-të të motorizuar dhe zakonisht ishte i vendosur në Çeçeni, në Kaukaz në veri të Rusisë.
Ai dhe njerëzit e tij u dërguan për të marrë pjesë në “stërvitje ushtarake”: “Në atë kohë askush nuk besonte se do të kishte luftë. Të gjithë mendonin se kjo ishte vetëm një stërvitje. Jam i sigurt që as oficerët e lartë nuk e dinin”.
Yefremov kujton ushtarët rusë që ngjitnin shenja identifikimi në uniformat e tyre dhe kishin shkruar shkronjën “Z” në pajisjet dhe automjetet ushtarake.
Brenda pak ditësh, shkronja “Z” u bë një simbol i asaj që Kremlini e quajti “operacioni i tij special ushtarak”.
Ushtaraku rus pretendon se nuk donte të kishte të bënte asgjë me atë: “Vendosa të lija punën. Shkova te komandanti im dhe i shpjegova pozicionin tim. Ai më çoi te një oficer i lartë që më quajti tradhtar dhe frikacak. E lashë armën dhe u ula në një taksi. Doja të kthehesha në bazën time në Çeçeni dhe zyrtarisht të jepja dorëheqjen. Më pas shokët më telefonuan me një paralajmërim. Koloneli më premtoi se do të më fuste në burg për 10 vjet për dezertim dhe thirri policinë”.
Thotë se thirri një avokat ushtarak, i cili e këshilloi të kthehej: “Tani e kuptoj që duhej ta kisha injoruar dhe të vazhdoja me veturë, por kisha frikë se do të më futnin në burg”.
U kthye në njësi dhe u bashkua me njerëzit e tij. Yefremov këmbëngul se ishte është “kundër luftës”. Madje pretendon se nuk ka marrë pjesë në aneksimin e Krimesë nga Rusia, as nuk ka luftuar në lindje të Ukrainës, kur shpërtheu lufta në Donbas për herë të parë nëntë vjet më parë.
Rusia nuk u akuzua vetëm për orkestrimin e rebelimit separatist në atë vend në vitin 2014, por edhe për dërgimin e trupave të veta.
Konstantini thotë gjithashtu se nuk ka marrë pjesë në operacionin ushtarak rus në Siri: “Tre vitet e fundit jam përfshirë në çminimin në Çeçeni, e cila ka përjetuar dy luftëra. Mendoj se puna që bëra atje i ka sjellë dobi popullit”.
U emërua komandant i përkohshëm i togës së këmbësorisë. Më 27 shkurt, tre ditë pas pushtimit rus, ai dhe njerëzit e tij u urdhëruan të lëviznin në veri nga Krimea e pushtuar.
U nisën drejt qytetit të Melitopolit. Atje i kaluan 10 ditët e ardhshme në aeroport, i cili tashmë ishte i pushtuar nga trupat ruse.
Konstatini nuk hezitoi të përshkruaj një grabitje për të cilën thotë se ka qenë dëshmitar.
“Ushtarët dhe oficerët morrën gjithçka që mundën. Ata hipën në aeroplanë dhe kaluan nëpër të gjitha ndërtesat. Një ushtar mori një kositëse bari. Ai tha me krenari: “Unë do ta marr këtë në shtëpi dhe do të kosit barin pranë kazermave tona. Kovat, sëpatat, biçikletat i futën të gjitha në kamionët e tyre”.
Yefremov i dërgoi BBC-së fotografi që thotë se i kishte bërë në bazën ajrore të Melitopolit. Ato tregojnë aeroplanët transportues dhe një ndërtesë të djegur.
BBC kontrolloi një numër fotografish dhe dokumentesh për të konfirmuar identitetin e Yefremov, gradën dhe lëvizjet e tij në Ukrainë në pranverën e vitit 2022.
Mjetet e hartës së rrjetit konfirmuan se këto ishin fotografi të bazës ajrore në Melitopol.
Ai dhe tetë ushtarë nën komandën e tij, ruajtën atje njësinë e artilerisë ruse për një muaj e gjysmë.
“Kemi fjetur jashtë gjatë gjithë kohës. Ishim aq të uritur sa shkuam për të gjuajtur lepuj dhe fazanë. Një herë hasëm në një shtëpi. Brenda ishte një ushtar rus që tha se ishte nga brigada e 100-të dhe tani jeton këtu. Ai dhe ai shokët kishin shumë ushqime. Frigoriferët ishin plot. Kishte ushqim të mjaftueshëm për t’i mbijetuar një lufte bërthamore. Por ushtarët që jetonin atje po kapnin krapin japonez në pellg”, tha ai.
Grupi i Yefremovit u zhvendos në prill për të ruajtur atë që ai e përshkruan si një “shtab logjistik” në qytetin Bilmak, në verilindje të Melitopolit.
Atje, thotë se ka qenë dëshmitar i marrjes në pyetje dhe keqtrajtimit të të burgosurve ukrainas.
Ai kujton ditën kur u sollën tre të burgosur: “Njëri prej tyre pranoi se ishte snajperist, kur e dëgjoi këtë, koloneli rus u çmend, e goditi, i hoqi pantallonat ukrainasit dhe e pyeti nëse ishte i martuar. I burgosuri konfirmoi. Më pas koloneli urdhëroi të sillnin një fshesë dhe tha: ‘Do të shndërrojmë në vajzë dhe do t’i dërgojmë një video gruas tënde’”.
Në një rast tjetër, thotë Yefremov, koloneli i kërkoi të burgosurit të përmendte të gjithë nacionalistët ukrainas në njësinë e tij: “Ukrainasi nuk e kuptoi pyetjen. Ai u përgjigj se ushtarët ishin anëtarë të këmbësorisë detare të forcave të armatosura ukrainase. Për këtë përgjigje, disa nga dhëmbët i janë thyer”.
Kremlini dëshiron që rusët të besojnë se Rusia po lufton fashistët, neo-nazistët dhe ultra-nacionalistët në Ukrainë. Kjo narrativë e rreme shërben për të çnjerëzuar ukrainasit në sytë e publikut dhe ushtrisë ruse.
Thotë se i burgosuri ukrainas ishte i lidhur: “Kolonel i vuri armën në ballë të burgosurit dhe tha ‘Do të numëroj deri në tre dhe pastaj do të të qëlloj në kokë’. Ai numëroi dhe qëlloi pranë kokës, nga të dyja anët. Koloneli filloi t’i bërtasë. Unë i thashë: “Shoku kolonel! Ai nuk të dëgjon, e bëre të shurdhër!”
Konstatini përshkroi se si koloneli lëshoi një urdhër për të mos u dhënë ukrainasve ushqim – vetëm ujë dhe disa biskota, por shtoi: “Ne u përpoqëm t’u jepnim çaj të nxehtë dhe cigare”.
Në mënyrë që të burgosurit të mos flinin në tokë të zhveshur, Yefremov kujton gjithashtu se si njerëzit e tij hodhën bar mbi ta: “E bëmë natën, që të mos na shohë askush”.
Gjatë marrjes në pyetje për të dytën herë, Yefremov thotë se koloneli e qëlloi të burgosurin në krah dhe në këmbën e djathtë poshtë gjurit, duke e goditur në kockë.
Konstantini thotë se njerëzit e tij e fashuan të burgosurin dhe shkuan te komandantët rusë – “jo te koloneli, ai ishte i çmendur” – dhe tha se i burgosuri duhej të shkonte në spital ose do të vdiste nga humbja e gjakut.
“E veshëm me uniformë ruse dhe e çuam në spital, i thamë: “Mos thuaj se je rob lufte ukrainas, sepse mjekët do të refuzojnë të të trajtojnë ose ushtarët rusë të plagosur do ta kuptojnë se kush je dhe do të qëllojnë dhe ne nuk do të mund t’i ndalojmë ata”, tha ai.
Zyra e OKB-së për të Drejtat e Njeriut ka dokumentuar raste të keqtrajtimit të të burgosurve gjatë luftës në Ukrainë. Intervistoi më shumë se 400 të burgosur lufte – ukrainas dhe rusë.
“Fatkeqësisht, ne zbuluam se tortura dhe keqtrajtimi i të burgosurve të luftës ndodhin nga të dyja palët”, thotë Matilda Bogner, që ishte në krye të ekipit të monitorimit të OKB-së me bazë në Ukrainë.
“Nëse krahasojmë shkeljet, torturat ose keqtrajtimet e të burgosurve ukrainas të luftës, priren të ndodhin pothuajse në çdo fazë të paraburgimit. Dhe kushtet e internimit janë përgjithësisht më të këqija në Rusi ose në pjesët e pushtuara të Ukrainës, pra që kontrollohen nga rusët”, shtoi ajo.
Format më të këqija të torturës ose keqtrajtimit të të burgosurve ukrainas zakonisht ndodhin gjatë marrjes në pyetje, thotë Bogner. Ata ndonjëherë i nënshtrohen goditjeve elektrike dhe një sërë metodash torture, duke përfshirë varjen dhe rrahjen.
“Kur mbërrijnë në vendet e paraburgimit, ata shpesh përballen me ‘rrahje të mirëseardhjes’. Shpesh përballen me ushqim dhe ujë të pamjaftueshëm”, shtoi Bogner.
Yefremov përfundimisht do të kthehej në njësinë e tij të çminimit, por jo për shumë kohë: “Ne të shtatë morëm vendimin të largoheshim nga ushtria”.
Në fund të majit, ndërsa ishte ende në Çeçeni, ai dha dorëheqje. Disa oficerë të lartë nuk ishin të lumtur, transmeton Telegrafi.
“Ata filluan të më kërcënojnë. Oficerët që nuk kishin kaluar asnjë ditë në Ukrainë, më thanë se isha frikacak dhe tradhtar. Nuk më lejuan të jepja dorëheqjen. Më pushuan”, shtoi ai.
Ai tregoi edhe letrat nga ushtria. Në dokumentin e parë, akuzohej për “shmangie të detyrës” dhe mosbindje ndaj urdhrit për t’u kthyer në Ukrainë. Ajo përshkruhet si një “shkelje e rëndë e disiplinës”.
Letra e dytë i referohet “lirimit të hershëm nga shërbimi ushtarak për shkak të shkeljes së kontratës”.
“Pas 10 vitesh shërbim më denoncuan si tradhtar, dezertor, vetëm se nuk doja të vrisja njerëz, por u gëzova që tani isha një njeri i lirë, që nuk do të duhej të vrisja apo të isha i vrarë”, tha ndër ushtaraku rus.
U largua nga ushtria, por nuk shpëtoi nga rreziku i dërgimit përsëri në luftë. Në shtator të vitit 2022, presidenti rus Vladimir Putin shpalli “mobilizim të pjesshëm”.
Qindra mijëra qytetarë rusë u rekrutuan në ushtri dhe u dërguan në Ukrainë.
Meqenëse kishte shërbyer tashmë në ushtri në Ukrainë, Yefremov e dinte se nuk do të lihej i qetë. Doli me një plan arratisjeje.
“Në shtëpinë ku banoja, bëra një hapje në tavan në rast se po më vinin oficerët e policisë dhe ushtarakët për të më bërë thirrje”, theksoi ai.
“Së shpejti erdhën oficerët ushtarakë në shtëpinë time dhe më prisnin në veturë, kështu që mora një apartament me qira dhe u fsheha, u fsheha edhe nga fqinjët e mi, sepse kisha dëgjuar për raste kur fqinjët i tradhtonin të rinjtë që ishin rekrutuar. Kështu më dukej një situatë poshtëruese dhe e papranueshme”, tha ai.
Kontaktoi grupin rus të të drejtave të njeriut Gulagu.net, që e ndihmoi të largohej nga Rusia. Por çfarë mendon Yefremov për ata rusë – dhe ka shumë – që mbështesin vendimin e Vladimir Putin për të pushtuar Ukrainën?
“Nuk e di se çfarë po ndodh në kokën e tyre, si mund ta lejojnë veten të mashtrohen, në situata të tjera janë të pabesueshëm, por ky njeri ka 20 vjet që i mashtron, mjafton fjala e tij dhe këta njerëz janë gati të shkojë të vrasin apo të vdesin. Nuk mund ta kuptoj këtë”.
Në fund të bisedës me BBC, Yefremov i kërkoi falje popullit të Ukrainës.
“I kërkoj falje gjithë popullit ukrainas që erdha në shtëpinë e tyre si një mysafir i paftuar me armë në duar. Falë Zotit nuk lëndova askënd. Nuk vrava askënd. Falë Zotit nuk u vrava. Madje nuk kam të drejtën morale të kërkoj falje nga ukrainasit. Nuk mund t’ia fal vetes, kështu që as nuk mund të pres që ata të më falin”, tha për fund ai.
Bota
“Gjermania po plaket!”, Merz u drejtohet qytetarëve: 2026-a është një pikë kthese për kombin tonë
Viti 2026 mund të shënojë një pikë kthese për Gjermaninë dhe për gjithë Evropën. Kjo ishte perspektiva e paraqitur nga Kancelari Federal Gjerman, Friedrich Merz, në fjalimin e tij tradicional të fundvitit, ku theksoi rëndësinë e këtij viti për të ardhmen e vendit dhe të kontinentit.
“Mund të jetë një vit në të cilin Gjermania dhe Evropa do të rimarrin në dorë paqen, lirinë dhe prosperitetin me forcë të përtërirë”, u shpreh Merz gjatë fjalimit.
Kancelari kujtoi një sërë reformash të ndërmarra nga qeveria e tij, duke përfshirë ndryshimet në shërbimin ushtarak, luftën kundër emigracionit të paligjshëm, uljen e burokracisë si dhe heqjen e të ardhurave bazë, të cilat janë zëvendësuar me sistemin e sigurimit bazë.
Duke iu referuar sfidave demografike, Merz theksoi se shoqëria gjermane po plaket dhe se brezi i “baby boomers” po i afrohet moshës së pensionit. Sipas tij, viti i ardhshëm do të jetë thelbësor për krijimin e një ekuilibri të ri në sistemet e sigurimeve shoqërore, që të përmbushë në mënyrë të drejtë nevojat e të gjitha brezave.
Ai u bëri thirrje qytetarëve që të mos udhëhiqen nga frika apo dekurajimi, por nga besimi dhe bindja se Gjermania ka aftësinë për të përballuar edhe sfidat më të mëdha.
Në fund, Merz kërkoi sërish durim nga qytetarët, duke pranuar se reformat nuk kanë dhënë ende rezultatet e dëshiruara. “Nuk është e mjaftueshme, por qeveria federale ka filluar punën e saj dhe jam i bindur se përfitimet do të vijnë, edhe pse do të kërkojnë kohë”, deklaroi ai.
Presidenti rus, Vladimir Putin, tha se vendi i tij beson se do të fitojë në Ukrainë, ku Moska po zhvillon një ofensivë që gati katër vjet. Këto deklarata ai i bëri në fjalimin për Vitin e Ri. Fjalimi tradicional i Putinit u transmetua fillimisht në gadishullin e largët lindor të Kamçatkës, që është rajoni i parë i Rusisë që hyri në vitin 2026.
Ai u bëri thirrje rusëve të “mbështesin heronjtë tanë” që luftojnë në Ukrainë, duke thënë: “Ne besojmë te ju dhe te fitorja jonë”.
Ai ua uroi Vitin e ri “luftëtarëve dhe komandantëve” në Ukrainë, duke shtuar se “miliona njerëz në mbarë Rusinë, më besoni, po mendojnë për ju”.
Konflikti në Ukrainë ka shkaktuar dëme të mëdha materiale në UKrainë, teksa humbjet në njerëz të dyja palët vlerësohet se janë të larta.
Shtetet e Bashkuara po udhëheqin përpjekjet për të arritur një marrëveshje për t’i dhënë fund konfliktit më të madh në Evropë që nga Lufta e Dytë Botërore.
Data 31 dhjetor shënon 26-vjeotrin e ngritjes në pushtet të Putinit. Ai u bë president i Rusisë në prag të Vitit të Ri 1999, kur Boris Yeltsin dha dorëheqjen. Fjalimi televiziv i Vitit të Ri, që vazhdon një traditë të nisur nga udhëheqësi sovjetik Leonid Brezhnev, është një ritual i festave në Rusi dhe ndiqet nga miliona familje. Ai transmetohet në televizionin shtetëror pak para mesnatës në secilën nga 11 zonat kohore të Rusisë./REL
Viti 2025 ka sjellë një valë të re inovacionesh teknologjike që po ndryshojnë mënyrën si jetojmë, punojmë dhe ndërveprojmë me botën digjitale.
Revista prestigjioze TIME ka publikuar listën e saj vjetore “The Best Inventions of 2025”, ku përzgjodhi qindra produkte dhe teknologji me ndikim transformues.
Nga inteligjenca artificiale te robotika dhe pajisjet mjekësore të gjeneratës së re, këtu janë 10 shpikjet më të bujshme Hi-Tech të vitit.
1. Rabbit R1 – Asistenti portabël i gjeneratës së re
Një pajisje e vogël me IA të specializuar, që kryen detyra komplekse në emër të përdoruesit. Nuk ka nevojë për aplikacione – thjesht i kërkon dhe vepron në sekondë.
Burimi: TIME – Best Inventions 2025
2. Humane Ai Pin – Pajisja që zëvendëson telefonin
Një mini-kompjuter i veshshëm që projekton ndërfaqen në çdo sipërfaqe. Ai funksionon me komandë zanore dhe synon të reduktojë varësinë nga ekranet tradicionale.
Burimi: TIME
3. LIM X iRobot – Robot ndihmës për përdorim shtëpiak
Robot inteligjent për organizimin e shtëpisë, monitorim, pastrim të avancuar dhe ndihmë të personave me nevoja të veçanta.
Burimi: TIME
4. ProActiv Retract – Drón vetë-palosës për emergjenca
Një drón i ri që paloset automatikisht dhe nis fluturimin brenda sekondave, ideal për shpëtim në zona të vështira.
Burimi: TIME
5. NeuralSight 2.0 – Syze AR me IA të integruar
Syze të realitetit të shtuar që përkthejnë tekstin, identifikojnë objekte dhe projektojnë informacion në kohë reale.
Burimi: TIME
6. EcoCharge X – Bateri inteligjente që rikarikohet në 3 minuta
Një bateri ultratë shpejtë, e aftë të furnizojë pajisje shtëpiake dhe aparatura industriale.
Burimi: TIME
7. Medisync BioPatch – Sensor biometrik për diagnostikim të shpejtë
Një patch inteligjent që analizon parametrat shëndetësorë 24/7 dhe parashikon kriza shëndetësore përpara se ato të ndodhin.
Burimi: TIME
8. FoldCam Pro – Kamera e parë e palosshme 360°
Projeksione 3D, rezolucion ultra HD dhe kapacitet i avancuar stabilizimi – ideale për krijues përmbajtjesh.
Burimi: TIME
9. NanoClean Sphere – Pajisje nano-robotike për pastrim ajri
E përbërë nga mikro-robotë që neutralizojnë ndotësit në hapësira të mbyllura.
Burimi: TIME
10. AeroLink Urban – Drón personal për mobilitet urban
Një mjet fluturues i lehtë që synon të përdoret si “taksi ajrore personale” brenda qyteteve.
Anthony Joshua lirohet nga spitali pas aksidentit me makinë në Nigeri
Taksa e prezervativëve dhe kujdesi më i lirë për fëmijët: Plani i Kinës për të rritur shkallën e lindjeve
Faqet e para te gazetave në UK
Në foto: Viti i Ri u prit në të gjithë botën
Starmer zotohet të ‘mposhtë rënien dhe përçarjen’ në mesazhin e Vitit të Ri
Pse viti 2026 është viti i suksesit për Keir Starmer?
George Clooney, gruaja e tij Amal dhe binjakët e tyre fituan shtetësinë franceze
Vdekje të rëndësishme 2025
Pesë tradita të Vitit të Ri që nuk i dinit
Mbretëria e Bashkuar mirëpret Vitin e Ri me festime në të gjithë vendin (video)
“Gjermania po plaket!”, Merz u drejtohet qytetarëve: 2026-a është një pikë kthese për kombin tonë
Pse duhet të merrni një portofol të ri për Vitin e Ri?
Veliaj dhe Meta urojnë Vitin e Ri 2026 nga qelia, me mesazhe shprese dhe bashkimi
Bebet e para të 2026! Dy vajza lindin në maternitetet e Tiranës
Kush ishin lajmet më të çuditshme dhe virale nga bota në vitin 2025
“Wizz Air” le në mëshirë të fatit pasagjerët e linjës Londër-Tiranë
FOTO/ Nëna me dy fëmijët humbën jetën në një zjarr tragjik në Angli
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Shqiptari në Britani shpëton nga deportimi pasi “partnerja nuk i flet shqip”
Rrëzohet aeroplani në Britani, alarm në aeroportin Southend në Londër
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Vizitorët, tarifë për të hyrë në Britani – Shtetasit që udhëtojnë pa viza duhet të aplikojnë për autorizim
Bllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
Ironia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …
Bashkimi me euron do të kishte mbuluar koston e NHS-së
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
Këta janë 10 kandidatët më të votuar në Vetëvendosjes
Emigrantët kthehen, por Shqipëria nuk i mban
Britania marrëveshje me Angolën dhe Namibinë për kthimin e emigrantëve
-
Albania21 hours ago“Wizz Air” le në mëshirë të fatit pasagjerët e linjës Londër-Tiranë
-
UK3 days agoFOTO/ Nëna me dy fëmijët humbën jetën në një zjarr tragjik në Angli
-
Albania3 days agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
Albania5 days ago
Shqiptari në Britani shpëton nga deportimi pasi “partnerja nuk i flet shqip”
-
UK5 days ago
Rrëzohet aeroplani në Britani, alarm në aeroportin Southend në Londër
-
Sports3 days agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
UK21 hours agoVizitorët, tarifë për të hyrë në Britani – Shtetasit që udhëtojnë pa viza duhet të aplikojnë për autorizim
-
UK2 days agoBllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë