Mungesa e mallrave bazë po e shtyn Gazën “në prag të katastrofës”, thotë OKB, duke përmendur mungesat e mëdha të ushqimit, ujit dhe furnizimeve mjekësore.
Agjencia tha se i duhen urgjentisht 74 milionë dollarë për të ofruar ndihmë emergjente për 90 ditët e ardhshme. Magazinat kanë më pak se një javë rezerva ushqimore dhe aftësia për të rimbushur këto furnizime është “kompromentuar nga rrugët e dëmtuara, çështjet e sigurisë dhe mungesa e karburantit”.
