Më shumë se 8,500 fëmijë u përdorën si ushtarë në konflikte të ndryshme, në vitin 2020 në të gjithë botën dhe rreth 2,700 u vranë, sipas raportit vjetor të Sekretarit të Përgjithshëm të Kombeve të Bashkuara, Antonio Guterres drejtuar Këshillit të Sigurimit për ushtarët fëmijë.
Raporti përfshin vrasjet, gjymtimet, abuzimet seksuale të fëmijëve, rrëmbimet, rekrutimet dhe sulmet ndaj shkollave dhe spitaleve, informon CNN.
Raporti konfirmoi shkeljet ndaj 19,379 fëmijëve në 21 konflikte.
Shumica u kryen në Somali, Republikën Demokratike të Kongos, Afganistan, Siri dhe Jemen.
Vitin e kaluar, 8,521 fëmijë u konfirmua se ishin përdorur si ushtarë, ndërsa 2,674 u vranë.
