Nismës së mbjelljes së pemëve në kryeqytet i është bashkuar edhe aktorja e njohur, Olta Gixhari. Ajo ka zgjedhur të mbjellë një pemë ulliri, e cila personifikon jetëgjatësinë, për bebin që po pret të vijë në jetë.
Këtë e bëri me dije kryetari i Bashksië së Tiranës, Erion Veliaj, i cili i uron qytetarëve një muaj të mbarë dhe i fton ata ta kthejnë shkurtin në një muaj mobilizimi masiv për mbjelljen e pemëve.
“26.273 pemë të mbjella në Janar. Olta Gixhari dhe Amari i vogël zgjodhën t’i bëjnë bebushit dhuratën më të bukur dhe më simbolike, mbjelljen e një peme ulliri.
Duke ju uruar një muaj të mbarë, ju ftoj ta kthejmë shkurtin në një muaj mobilizimi masiv për mbjelljen e pemëve”, shkruan Veliaj në rrjetet sociale.
