Pasagjerët që udhëtojnë gjatë festës së Krishtlindjeve janë goditur me ndërprerje në mbarë botën pasi kompanitë ajrore anuluan më shumë se 4,500 fluturime, sipas një faqe interneti për gjurmimin e fluturimeve.
Një rritje e anulimeve në prag të Krishtlindjes erdhi pasi varianti i koronavirusit Omicron i përhapur me shpejtësi, bëri që transportuesit të mos ishin në gjendje të plotësonin me personel fluturimet e tyre.
Faqja e internetit e firmës së gjurmimit të fluturimeve FlightAware tregoi se 2175 fluturime në mbarë botën ishin anuluar në prag të Krishtlindjeve, një ditë tipike e rëndë për udhëtime. Rreth një e katërta e tyre ishin vetëm në SHBA. 1779 fluturime të tjera u anuluan në mbarë botën në ditën e Krishtlindjes, së bashku me 402 të tjera që ishin planifikuar për të dielën.
Pjesa më e madhe e anulimeve erdhi nga pesë firma, me China Eastern që anuloi 474 udhëtime, ndërsa Air China anuloi 188. United anuloi 177 fluturime, Air India 160 dhe Delta anuluan 150.
Foto: Shutterstock