Gjenerali Dan Caine, Shefi i Shtabit të Përbashkët të Forcave të Armatosura të SHBA, ka bërë publike detajet e operacionit sekret që goditi objektet bërthamore të Iranit. Operacioni, i koduar “Midnight Hammer” (Çekani i Mesnatës), përfshiu bombardues B-2, nëndetëse amerikane dhe një seri taktikash mashtruese për të shmangur mbrojtjen ajrore të Teheranit.
Ja kronologjia zyrtare e operacionit ushtarak më të madh të SHBA ndaj Iranit në dekada:
00:00 ET – Fillon operacioni
Operacioni nisi natën mes të premtes dhe së shtunës. Sipas Gjeneralit Caine, bombarduesit amerikanë B-2 u nisën nga SHBA. Disa u drejtuan në perëndim si manovër mashtruese, ndërsa pjesa tjetër fluturoi në heshtje drejt lindjes, me komunikim minimal gjatë gjithë fluturimit 18-orësh.
17:00 ET – Sulm nga nëndetësja amerikane
Një nëndetëse e SHBA lëshoi më shumë se 24 raketa Tomahawk kundër objektivave të infrastrukturës në kompleksin bërthamor të Isfahanit në Iran.
Ndërhyrja në hapësirën ajrore iraniane
B-2-të amerikane hynë në hapësirën ajrore iraniane të shoqëruara nga avionë luftarakë të gjeneratës së 4-të dhe 5-të. SHBA përdori dekues ajrorë dhe manovra mashtruese për të shmangur radarët dhe sistemet raketore të Iranit.
Paraqitja te objektivat – Natanz dhe Fordo
Sipas Caine, pak para goditjes së objekteve në Natanz dhe Fordo, u përdorën armë speciale për shtypjen e mbrojtjes ajrore iraniane, për të siguruar kalimin e sigurt të bombarduesve B-2.
18:40 ET – Sulmi i drejtpërdrejtë
Bombarduesi kryesor B-2 lëshoi dy bomba të mëdha “bunker-buster” (GBU-57) mbi kompleksin e Fordos.
18:40–19:05 ET – Goditje të koordinuara
Bombarduesit e tjerë lëshuan bombat e tyre në objektivat e mbetura – Natanz dhe Isfahan. Në total, u hodhën 16 bomba super-shkatërruese: 2 në Fordo dhe 14 në dy objektet e tjera.
Kjo përkon me rreth 02:10 të mëngjesit me orën lokale në Iran të dielën.
Rikthimi pa përplasje
Pas përfundimit të sulmit, forcat amerikane u tërhoqën drejt SHBA-ve. Gjenerali Caine tha se nuk pati asnjë të shtënë nga ana e Iranit, as gjatë hyrjes, as gjatë kthimit.
Bilanci teknik i operacionit “Çekani i Mesnatës”:
16 bomba GBU-57 “Massive Ordnance Penetrators”
Mbi 24 raketa Tomahawk
Sulm në 3 objektiva kryesorë bërthamorë: Fordo, Natanz, Isfahan
0 viktima të raportuara nga pala amerikane
Asnjë përgjigje ushtarake nga Irani
Lajmi vjen ndërkohë që pritet konfirmimi satelitor i dëmeve nga objektet iraniane. Zyrtarë të lartë izraelitë dhe amerikanë po vlerësojnë nëse sulmi ka neutralizuar përfundimisht kapacitetet bërthamore të Teheranit./ CNN
