Presidentja e Kosovës, Vjosa Osmani ka kujtuar kolonelin Ahmet Krasniqi në 27- vjetorin e vrasjes së tij.
Në njoftimin e Presidencës thuhet se trashëgimia e Kolonelit Krasniqi është e gjallë në çdo hap të shtetndërtimit dhe se zbardhja e vrasjes së tij mbetet obligim institucional.
“Kolonel Ahmet Krasniqi, ministri i parë i Mbrojtjes së Kosovës, mbetet simbol i guximit, sakrificës dhe vizionit për një Kosovë të lirë. Ai u vra në mënyrë të pabesë, viktimë e një akti të mjerë që synonte të ndalte përpjekjet për liri. Por, edhe pse u vra koloneli, nuk u vra ëndrra për Kosovën e lirë. Trashëgimia e tij është e gjallë në çdo hap të shtetndërtimit tonë, ndërsa zbardhja e vrasjes së tij mbetet obligim moral dhe institucional”, thuhet në njoftim.
