Zv/kryeministri, Bujar Osmani thekson rëndësinë e zgjedhjeve të rregullta për fillim të negociatave me BE-në, duke thënë se përderisa jemi nën vëzhgim të shteteve-anëtare, çdo gabim do të na kushtonte shumë. Osmani komentoi deklaratën e djeshme të ambasadorit francez, Kristijan Timonie sipas të cilit reformimi i metodologjisë dhe negociatat mund të zhvillohen paralelisht.
“Nëse nuk do të ketë ndonjë të papritur parashikohet që metodologjia të kalojë para Samitit, ashtu që nëse metodologjia do të publikohet më 5 shkurt dhe nuk do të ketë ndonjë vërejtje tjetër, në mars të shqyrtohet vendimi për fillimin e bisedimeve. Nëse kjo dinamikë realizohet, atëherë është pak e rëndësishme a do të jenë paralele apo do të jenë të kushtëzuara njëra me tjetrën. Kjo që thotë ambasadori është e rëndësishme në rast se Komisioni nuk arrin konsensus për metodologjinë, kjo do të thotë se ne në mars mund të marrim datë pavarësisht se a ka metodologji apo jo”, u shpreh Bujar Osmani, Zv/kryeministër për Çështje Evropiane./Alsat/
