Presidentja e vendit, Vjosa Osmani, sot ka folur rreth thirrjes së seancës konstituive të Kuvendit të Kosovës.
Osmani para mediave deklaroi se tashmë ka pranuar shkresën nga KQZ, transmeton Telegrafi.
“Ka ardhur shkresa zyrtare nga ana e KQZ-së në presidencën e Kosovës, ku njoftojnë me rezultatet e zgjedhjeve të certifikuara ku mënyrën se si ndahen ato ulëse në Kuvendin e Republikës së Kosovës”, tha presidentja.
Tutje, ajo deklaroi se tani ka një afat prej 30 ditësh, është një afat kushtetues, një afat ligjor i cili parashihet për thirrjen e seancës konstituive.
“Për momentin ekipi ime ligjor është duke analizuar se sa mund të ketë nevojë për përgatitje të kësaj seance në mënyrë që kur të thirret mos të jetë i suksesshëm konstituimi i Kuvendit të Kosovës”, tha Osmani.
Sipas saj, gjithçka do të bëhet brenda afatit kohor kushtetues. ”
Për momentin nuk mund të japë një datë sepse dua të jem e saktë, mirëpo shumë shpejt do ta kemi edhe datën”, tha ajo.
Zgjedhjet parlamentare janë mbajtur me 9 shkurt, ku LVV doli partia e parë, PDK e dyta dhe LDK e treta.
