Presidentja e Kosovës, Vjosa Osmani, ka uruar presidentin e sapozgjedhur të Shqipërisë, Bajram Begaj.
Osmani ka thënë se me Begajn do të punojnë që raportet vëllazërore ndërmjet Kosovës e Shqipërisë t’i thellojnë edhe më tej.
“Urime të përzemërta për presidentin e sapozgjedhur të Shqipërisë, z. Bajram Begaj! Ju uroj suksese në rolin tuaj të ri dhe shumë të rëndësishëm”, ka shkruar Osmani në Facebook.
“Së bashku do të punojmë që raportet vëllazërore ndërmjet Kosovës e Shqipërisë t’i thellojmë edhe më tej, si dhe t’i sjellim vendet tona më afër BE-së”, shtoi ajo.
Begaj është pasues i Ilir Metës që detyrën do ta dorëzojë më 24 korrik.
Begaj ka lindur më 20 mars 1967, në Rrogozhinë. Ka të përfunduara studimet në Mjekësi, ndërsa në karrierën ushtarake ka shërbyer në detyra të ndryshme drejtuese./Telegrafi/
