Nuk ka dhënë fitues derbi i madh i Premier Leagues në mes të Liverpoolit dhe Manchester Unitedit.
Ndeshja e së dielës mbrëma ishte e fortë, por pa gola.
Në pjesën e parë të derbit të xhiros së 19-të, më i rrezikshëm ishte Liverpooli. Ndërsa në të dytën më shumë nga loja kishte Manchester Unitedi që megjithatë nuk realizoi gol.
Lider mbetet Man Utd me 37 pikë. Leicesteri është i dyti me 35 pikë, ndërsa Liverpooli është i treti me 34 pikë.
Xherdan Shaqiri startoi te Liverpooli dhe kishte paraqitje të mirë. Ai u zëvendësua në minutën e 76-të.
