Ministri i Jashtëm i Kosovës, Behgjet Pacolli ka deklaruar se po e ndjek me shqetësim situatën në lidhje me ndeshjen e futbollit midis Kosovës dhe Malit të Zi.
“Presioni ndaj trajnerit dhe ndaj disa lojtarëve nga Beogradi dhe mediat serbe e tregon fytyrën e vërtetë të Serbisë për të ndërhyrë në vendet fqinje. Kosova dhe Mali i Zi do t’i kapërcejnë këto pengesa nga Beogradi dhe të dyja vendet tona njohin taktikat e Serbisë”, ka shkruar Pacolli.
Postimi i Pacollit në Facebook:
Po ndjek
me shqetësim situatën në lidhje me ndeshjen e futbollit midis Kosovës dhe Malit
të Zi. Mali i Zi është mik dhe partner i Kosovës. Serbia nuk do ta pengojë këtë
miqësi.
Presioni ndaj trajnerit dhe ndaj disa lojtarëve nga Beogradi
dhe mediat serbe e tregon fytyrën e vërtetë të Serbisë për të ndërhyrë në
vendet fqinje. Kosova dhe Mali i Zi do t’i kapërcejnë këto pengesa nga Beogradi
dhe të dyja vendet tona njohin taktikat e Serbisë.
Sytë i kemi tek djemtë tanë sonte në Malin e Zi dhe ju urojmë
atyre fitore.
