Ministri në detyrë i Punëve të Jashtme i Kosovës, ka përshëndetur vendimin e Serbisë për ndërtimin e autostradës Nish-Merdar.

“Vazhdimi i ndërtimit të autostradës nga Serbia deri të kufiri me Kosovën, është një hap i madh drejt paqes në mes dy vendeve, Serbisë dhe Kosovës. Mirë ka bërë qeveria serbe dhe presidenti Vuçiq me këtë ndërmarrësi dhe inkurajoj ata që në vend që të luftojnë shtetin e Kosovës të vazhdojnë me projekte të tilla”, ka shkruar Pacolli.

Kujtojmë se dje Serbia ka nënshkruar kontratën financiare 100 milionë eurosh për ndërtimin e autostradës Nish-Merdar, që e lidh këtë vend fqinj me Kosovën me rrugë moderne.

“Vetëm Paqja është mënyra e vetme për të ndërtuar një të ardhme të ndritshme!”, ka thënë tutje Pacolli.