Ish-futbollisti i Evertonit, Li Tie raportohet se është dënuar me burgim të përjetshëm në Kinë dhe kjo për shkak të ryshfeteve të dhëna dhe trukimeve të ndeshjeve.
Pasi i dha fund karrierës së tij, Li u bë trajneri i kombëtares kineze në vitet 2019-2021.
Një vit pasi Li u largua nga ai post, prokurori publik kinez lëshoi një deklaratë bombë duke thënë se ai “dyshohej për pranim dhe ofrim ryshfeti” mes një goditjeje të madhe ndaj korrupsionit në futboll.
Li pranoi se kishte paguar 3 milionë juanë (330,000 paund) ryshfet për t’u bërë trajner i ekipit kombëtar në një rrëfim televiziv në ÇTV.
Ai gjithashtu ka rrëfyer se ka marrë pjesë në një skandal të trukimit të ndeshjeve për të fituar promovime me ekipet e tij të klubit.
“Më vjen shumë keq. Duhet të kisha mbajtur kokën në tokë dhe të kisha ndjekur rrugën e duhur. Kishte disa gjëra që në atë kohë ishin praktika të zakonshme në futboll”, tha Li.
Gazetari dhe autori me bazë në Kinë Mark Drejer tha se Li është dënuar me burgim të përjetshëm për rolin e tij në skandal.
Ish-kreu i Federatës Kineze të Futbollit, Çen Xujuan, është dënuar me 15 vjet burg për ryshfet, raportoi Drejer.
Li pranoi se kishte rregulluar me sukses ndeshjet kur ishte trajner i Hebei China Fortune dhe Wuhan Zall. Me këtë të fundit u shpall kampion në vitin 2018.
Ai shtoi në deklaratën e tij televizive: “Duke fituar sukses me mjete të tilla të pahijshme, në fakt më bëri gjithnjë e më të paduruar dhe më të etur për rezultate të shpejta. Për të arritur një performancë të mirë, u drejtova për të ndikuar te gjyqtarët, duke u dhënë ryshfet lojtarëve dhe trajnerëve kundërshtarë, ndonjëherë përmes klubeve që kishin të bënin me klube të tjera. Kjo sjellje bëhet zakon dhe përfundimisht ka edhe një varësi të lehtë nga këto praktika”.
