Për pak do të mund të ishte kthyer në tragjedi. Por ndërhyrja e shpejtë e një efektivi policie i shpëtoi jetën.
Momenti dramatik u kap nga kamerat e sigurisë në Las Vegas, SHBA. Një makinë tip BMW mori flakë pas një aksidenti në mes të Bulevardit “Las Vegas”.
Pas disa sekondave, me ndihmën edhe të një kalimtari, efektivi arriti ta nxirrte nga makina shoferin, vetëm pak sekonda pasi flakët të përfshinin të gjithë mjetin.
Shoferi u dërgua në spital dhe sipas prognozës do të shërohet plotësisht, pasi nuk ka pësuar dëme të rënda.
