Palestinezët, në pjesë të Gazës jugore, thanë se morën njoftime për evakuim të enjten, një sinjal ky se pushtimi tokësor i Izraelit do të zgjerohet edhe në jug.
Kjo vjen një ditë pasi forcat izraelite filluan të kontrollonin një spital në veri të Gazës, ku ata pretenduan se vepronin militantët e Hamasit – një pretendim që Hamasi dhe stafi i spitalit e mohojnë.
Ushtria izraelite ende nuk ka treguar ndonjë provë për një qendër komanduese të supozuar të Hamasit nën ose në spital. Associated Press nuk mundi të verifikonte në mënyrë të pavarur pretendimet izraelite se kishte gjetur armë brenda spitalit.
Mbi 1.5 milion njerëz janë zhvendosur brenda Gazës, shumica e të cilëve ka shkuar në jug, ku ushqimi, uji dhe energjia elektrike janë gjithnjë e më të pakta. Nuk është e qartë se ku tjetër mund të shkojnë, pasi Egjipti refuzon të lejojë një fluks masiv në territorin e tij.
Ndërkohë, ushtarët vazhduan kontrollin në spitalin al-Shifa në veri, në kuadrin e bastisjes që filloi herët të mërkurën. Ata treguan armë që thanë se u gjetën të fshehura në një ndërtesë, por ende nuk kanë nxjerrë ndonjë provë për nj qendër komanduese që Izraeli thotë se Hamasi ka ngritur poshtë kompleksit.
Hamasi dhe personeli i spitalit më të madh të Gazës, i mohojnë akuzat. Zgjerimi i operacioneve në jug – ku Izraeli kryen sulme ajrore të përditshme – kërcënon të përkeqësojë edhe më tej krizën humanitare në territorin e rrethuar.
Lufta që ka hyrë në javën e gjashtë, filloi kur Hamasi, të cilin Shtetet e Bashkuara e konsiderojnë një organizatë terroriste, ndërmori një sulm të përgjakshëm ndaj Izraelit më 7 tetor, ku humbën jetën mbi 1200 vetë, kryesisht civilë, dhe morën peng rreth 240 burra, gra dhe fëmijë.
Izraeli u kundërpërgjigj me një fushatë javore ajrore dhe ndërhyrje tokësore në Gazën veriore, me synimin për të rrëzuar Hamasin nga pushteti dhe për të shtypur aftësitë e tij ushtarake. Më shumë se 11,200 palestinezë janë vrarë, prej të cilëve dy të tretat gra dhe të mitur, sipas autoriteteve shëndetësore palestineze, nën varësinë e Hamasit.
2700 të tjerë njoftohet se rezultojnë të zhdukur, shumica prej të cilëve besohet të kenë mbetur nën rrënoja. Këto shifra nuk bëjnë dallim mes vdekjeve të civilëve dhe militantëve dhe Izraeli thotë se ka vrarë mijëra militantë.
Nderkohe, nje dite me pare, ushtria izraelite njoftoi se ka goditur shtepine e liderit te Hamasit.
Ushtria izraelite ka bërë të ditur se avionët e saj luftarakë kanë goditur shtëpinë e liderit të Hamasit, Ismail Haniyeh në Gaza.
Përmes një video të publikuar nga ushtria izraelite që tregon një shpërthim të madh, i cili tha se tregonte shtëpinë duke u shkatërruar.
Haniyeh nuk është vendosur në Gaza për disa vite, diku tjetër, në kampin e refugjatëve Al-Shati në Gazën veriore. Ushtria izraelite shpjegoi se ata gjetën dhe shkatërruan armët e forcave detare të Hamasit, duke përfshirë pajisje zhytjeje dhe pajisje shpërthyese. Ushtria tha gjithashtu se kishte marrë kontrollin e kampit të refugjatëve të martën.
Forcat izraelite hynë në Al-Shifa në orët e para të së mërkurës, pasi sinjalizuan për javë të tëra qëllimin e tyre për të lëvizur në kompleksin, për të cilin ata pretendojnë se është vendi i një qendre komandimi dhe kontrolli nëntokësor për Hamasin.
Mjekët dhe zyrtarët shëndetësorë në enklavën e kontrolluar nga Hamasi i kanë hedhur poshtë vazhdimisht këto akuza.
Në një deklaratë, Forcat Mbrojtëse të Izraelit (IDF) thanë se ushtarët gjetën një dhomë në spital ku gjetën “asetet teknologjike, së bashku me pajisjet ushtarake dhe luftarake të përdorura nga Hamasi”.
“Në një departament tjetër në spital, ushtarët gjetën një qendër komanduese operacionale dhe asete teknologjike që i përkisnin Hamasit”, vazhdoi deklarata, e cila tregonte, thuhet në deklaratë, “se organizata terroriste përdor spitalin për qëllime terroriste”.
Deklarata thoshte se IDF po vazhdonte të operonte në kompleksin spitalor. Më herët gjatë ditës, një zyrtar i lartë izraelit i mbrojtjes tha se trupat kishin zbuluar “prova konkrete që terroristët e Hamasit përdorën spitalin Shifa si një seli të terrorizmit”, duke premtuar se do t’i paraqesin provat më vonë.
Izraeli është nën presion të konsiderueshëm ndërkombëtar për të provuar pretendimet e tij për infiltrimin e Hamasit në spital, në mënyrë që të justifikojë disa nga vendimet e tij ushtarake – të cilat përndryshe mund të përbëjnë një shkelje të mundshme serioze të ligjit ndërkombëtar humanitar.
Sigurisht që nuk ka ende asnjë tregues se trupat kanë zbuluar një strukturë tuneli me shumë nivele me dhoma nëntokësore – të llojit të ilustruar në një animacion të paraqitur nga zëdhënësi i ushtrisë në një konferencë gati tre javë më parë, transmeton CNN.
Hamasi iu përgjigj komenteve të mëparshme nga ushtria izraelite – se trupat kishin gjetur armë brenda spitalit – si një gënjeshtër dhe propagandë flagrante. AP
